Fjölskylduráð #3

Samræmd grunn- og leikskóladagatöl fyrir veturinn 2024- 2025 lögð fyrir.

Lögð fram samræmd skóladagatöl fyrir annars vegar leikskóla og hins vegar grunnskóla fyrir skólaárið 2024-2025 í sveitarfélaginu. Skóladagatöl samþykkt samhljóða.

Aðilar skipaðir í nefnd sem vinnur að móttökuáætlun Vesturbyggðar fyrir íbúa af erlendum uppruna.

Rætt um móttökuáætlun fyrir íbúa af erlendum uppruna. Fjölskylduráð leggur til við bæjarráð að eftirtaldir aðilar verði skipaðir í starfshóp við gerð móttökuáætlunar fyrir íbúa af erlendum uppruna: Þórkatla Soffía Ólafsdóttir, Páll Vilhjálmsson, Joanna Kozuch, Ryte Maumeviciut, Jessika Guerrero og Pawel Dobosz.

Rætt um áherslur fjölskylduráðs fyrir komandi fjárhagsáætlunarvinnu.

Bæjarstjóri upplýsir fjölskylduráð um stöðu verkefnisins. Fjölskylduráð leggur áherslu á að þrýst verði á stjórnvöld að koma verkefninu í framkvæmd þar sem gríðarleg þörf er fyrir úrbætur á aðstöðu vistmanna á Heilbrigðisstofnun Vestfjarða á Patreksfirði.

Nú þegar sveitarfélögin hafa verið sameinuð skapast tækifæri til að sækja fram með stefnumótun í íþróttamálum. Aukin þátttaka íbúa í íþróttum og hreyfingu stuðlar að bættri lýðheilsu og almennri vellíðan. Íþróttastarf er mikilvægur þáttur í að bæta lífsgæði íbúa og hefur jákvæð áhrif á bæði líkamlega og andlega heilsu. Öflugt íþróttastarf er ekki aðeins mikilvægt fyrir lýðheilsu, heldur hefur það einnig jákvæð áhrif á byggðaþróun. Með því að byggja upp sterkt og aðlaðandi íþróttastarf eykst aðdráttarafl sveitarfélagsins fyrir nýja íbúa og styrkir samfélagslega samstöðu.Því er mikilvægt að móta skýra stefnu um hvernig við viljum haga íþróttastarfi innan sveitarfélagsins til framtíðar, með það að markmiði að skapa faglega umgjörð fyrir íþróttaiðkun.

Fjölskylduráð leggur til að gert verði ráð fyrir fjármagni í fjárhagsáætlun næsta árs til þess að fá ráðgjöf við stefnumótun sem yrði unnin í breiðu samráði sveitarfélagsins, íbúa, íþróttafélaga á svæðinu og annarra hagaðila.

Lagður fram tölvupóstur frá heilbrigðisráðuneytinu dags. 5. maí sl. með ósk um umsögn um breytingar á tilvísunum fyrir börn.

Tekið fyrir á 1. fundi bæjarráðs þar sem málinu var vísað áfram til fjölskylduráðs til kynningar.

Mál lagt fyrir til kynningar.

Lagður fram tölvupóstur frá félags- og vinnumarkaðsráðuneytinu dags. 24. maí sl með ósk um umsögn um hvítbók í málefnum innflytjenda.

Tekið fyrir á 1. fundi bæjarráðs þar sem málinu var vísað áfram til fjölskylduráðs til kynningar.

Mál lagt fram til kynningar.

Ráðgert er að hafa ungmennaþing í Vesturbyggð nú á haustdögum.

Fjölskylduráð fagnar framtakinu þar sem mikilvægt er að raddir allra íbúa heyrist og hvetur fulltrúa heimastjórna og bæjarfulltrúa til að taka þátt.

Mál lagt fram til kynningar.