Fundur haldinn í ráðhúsi Vesturbyggðar, 26. ágúst 2024 og hófst hann kl. 13:00
Nefndarmenn
- Jóhann Örn Hreiðarsson (JÖH) aðalmaður
- Páll Vilhjálmsson (PV) aðalmaður
- Petrína Sigrún Helgadóttir (PSH) aðalmaður
- Sandra Líf Pálsdóttir (SLP) aðalmaður
- Þórkatla Soffía Ólafsdóttir (ÞSÓ) formaður
Starfsmenn
- Arnheiður Jónsdóttir (AJ)
Fundargerð ritaði
- Arnheiður Jónsdóttir Sviðsstjóri fjölskyldusviðs
Almenn mál
1. Skólastefna Vesturbyggðar innleiðingaráætlun
Kristrún Lind Birgisdóttir sérfræðingur í skólamálum frá Ásgarði kemur inn á fundinn og fer yfir hlutverk fræðsluráðshluta fjölskylduráðsins
Undir þessum lið var Kristún Birgisdóttir frá Ásgarði í fjar og fór yfir ábyrgð og hlutverk fræðsluhluta fjölskylduráðs.
Málsnúmer 2408061
3. Mönnunarþörf fyrir næsta skólaár
Sviðsstjóri fjölskyldusviðs fór yfir hvernig gengið hefur verið að ráða inn í grunn- og leikskólanna í Vesturbyggð fyrir veturinn 2024 - 2025.
Málsnúmer 2408092
9. Trúnaðarmál
Lagt fram minnisblað frá félagsráðgjafa á fjölskyldusviði, skráð í trúnaðarmálabók.
Málsnúmer 2408062
10. Móttökuáætlun fyrir íbúa af erlendum uppruna
Fjölskylduráð leggur til að skipulagður verði starfshópur hjá sveitarfélaginu til að móta gerð móttökuáætlunar fyrir íbúa af erlendum uppruna. Lagt er til að þrír fulltrúar fjölskylduráðs sitji í hópnum og þrír einstaklingar af erlendum uppruna, tómstundafulltrúi verður starfsmaður hópsins.
Málsnúmer 2408065 3
Mál til kynningar
2. Nurture aðferðarfræðin í skólum
Grunn- og leikskólar í Vesturbyggð eru að taka þátt í tilraunaverkefni með Miðstöð menntunar og skólaþjónustu sem felst í innleiðingu á aðferðarfræðinni Nurture. Markmið Nurture er að mæta félagslegurm, tilfinningarlegum og andlegum þörfum nemenda, starfsfólks og fjölskyldna með því að skapa öruggt og þægilegt náms-og starfsumhverfi þar sem allir geta þrifist.
Bergdís Þrastardóttir leikskólastjóri fór yfir markmið og grunngildi Nurture aðferðarfræðinnar.
Málsnúmer 2408064
6. Ábyrgð og hlutverk sveitarfélaga vegna bils milli fæðingarorlofs og inntöku barna í leikskóla.
Lagt fram bréf til kynningar frá Jafnréttisstofu þar sem hún vekur athygli á ábyrgð og hlutverki sveitarfélaga til að brúa bilið sem myndast þegar foreldrar hafa fullnýtt fæðingarorlofsrétt sinn og þangað til barn fær dvöl á leikskóla.
Málsnúmer 2406122
7. Þjónustusamningur um rekstur heimastuðnings
Undirritaður hefur verið samningum milli Heilbrigðisstofnunar Vestfjarða og Vesturbyggðar um heimastuðning.
Sviðsstjóri fór yfir samning mili Vesturbyggðar og Heilbrigðisstofunun Vestfjarða um heimastuðning samkvæmt verkefninu "Gott að eldast".
Málsnúmer 2408046
8. Fjárhagsáætlun 2025 - 2028
Lagðar fram drög að reglum um fjárhagsáætlunarferlið 2024 vegna áætlunar 2025 - 2028 ásamt drögum að dagsetningum við vinnu fjárhagáætlunar.
Lagt fram til kynningar.
Málsnúmer 2406054 17
Almenn mál - umsagnir og vísanir
4. Farsæld barna
Á vegum Menntamálaráðueytis hefur starfshópur um sameiginlegar starfsstöðvar/samhæfða svæðisskipan vegna farsældar barna sett fram tillögur sem miða að því að efla samtal um bætt og aukið samstarf í landshlutum,miðlun reynslu og góðra starfshátta í því skyni að þétta net og þjónustu í kringum börn og fá alla að borðinu.
Lögð fram gögn frá Mennta- og barnamálaráðuneytinu um svæðisbundin farsældarráð. Lagt fram til kynningar.
Málsnúmer 2406000 2
Til kynningar
5. Hvatning til samveru fjölskyldunnar -bréf frá Saman hópnum
Lagt fram bréf frá Saman hópnum þar sem hvatt er til samveru fjölskyldunar í sumar.
Tekið fyrir á 1. fundi bæjarráðs þar sem málinu var vísað áfram til fjölskylduráðs til kynningar.
Lagt fram bréf til kynningar frá SAMAN hópnum þar sem hvatt er til samveru fjölskyldunar.
Málsnúmer 2405106 2
Fleira ekki gert. Fundi slitið kl. 15:00