Fundur haldinn í fundarsal bæjarstjórnar að Aðalstræti 63, Patreksfirði, 4. júní 2013 og hófst hann kl. 15:00
Fundargerð ritaði
- Þórir Sveinsson skrifstofustjóri.
Fundargerðir til staðfestingar
2. Félagsmálanefnd - 14
Fundargerðin er í 2. töluliðum.
Til máls tóku: AJ og forseti.
Fundargerðin staðfest samhljóða.
Málsnúmer 1304008F
Almenn erindi
3. Útboð ,,Sláttur og Hirðing 2013-2015"
Lagt fram minnisblað dags. 17. maí 2013 frá Elfari St. Karlssyni, tæknideild Vesturbyggðar ásamt tilboði að upphæð 4.819.785 kr. frá BA-337 ehf. í slátt og hirðingu á opnum svæðum á Patreksfirði vegna tímabilsins 2013-2015.
Til máls tóku: GE, AJ, ÁSG, forseti, bæjarstjóri og ÁS.
Bæjarstjórn samþykkir tilboðið samhljóða.
Málsnúmer 1303045 2
4. Reglur um ungmennaráð
Lagðar fram ”Reglur um Ungmennaráð Vesturbyggðar.“
Til máls tóku: Forseti, ÁS, GE, MÓH og ÁSG.
Lögð fram fram breytingartillaga við 2.gr.:
2. gr. Skipan ráðsins
Í Ungmennaráði Vesturbyggðar eiga sæti fimm fulltrúar og jafn margir til vara. Fulltrúar skulu eiga lögheimili í Vesturbyggð og vera á aldrinum 13 - 20 ára árið sem kosið er. Þrír fulltrúar skulu valdir af lýðræðislega kjörnum nemendaráðum skólanna fyrir 1. október ár hvert en íþrótta- og æskulýðsnefnd skipar tvo fulltrúa. Íþrótta- og æskulýðsnefnd gerir að því loknu tillögu um fulltrúa í ráðið sem bæjarstjórn staðfestir.
Formaður skal skipaður sérstaklega. Við val á fulltrúum skal leitast við að:
? Kynjahluföll séu sem jöfnust.
? Tveir fulltrúar komi frá Grunnskóla Vesturbyggðar á aldrinum 13-16 ára.
? Tveir fulltrúar á aldrinum 16-20 ára þar af annar frá FSN.
? Fulltrúi sitji eigi lengur en tvö ár í ráðinu.
Bæjarstjórn vísar reglum um Ungmennaráð Vesturbyggðar til seinni umræðu í bæjarstjórn.
Málsnúmer 1303054 4
5. Ársreikningur Vesturbyggðar 2012
Lagður fram ársreikningur Vesturbyggðar og stofnana hans fyrir árið 2012 ásamt sundurliðunarbók og skýrslu löggiltra endurskoðenda sveitarfélagsins til seinni umræðu.
Gestir fundarins í síma (Skype) undir þessum lið dagskrár voru Auðunn Guðjónsson og Haraldur Örn Reynisson endurskoðendur KPMG.
Til máls tóku: Bæjarstjóri, forseti, GE, AJ og ÁS.
Bæjarstjórn endurtekur bókun sína frá 258. fundi 27. maí sl.:
”Eftir áralangan erfiðan rekstur sveitarfélagsins Vesturbyggðar eru loksins jákvæð teikn á lofti. Niðurstaða ársreiknings Vesturbyggðar fyrir árið 2012 er umfram væntingar og fjárhagsáætlun ársins 2012 og skilar samstæðan Vesturbyggð, A og B-hluti 21,4 milljónum króna í rekstrarafgang. Skuldir hafa lækkað og tekjur sveitarfélagsins eru umtalsvert hærri en gert var ráð fyrir í fjárhagsáætlun 2012. Skuldahlutfall hefur lækkað og er nú 144% en það var 174% í árslok 2011. Íbúum hefur fjölgað um 3% milli ára.
Mikill niðurskurður hefur verið hjá sveitarfélaginu undanfarin ár og hafa starfsmenn sveitarfélagsins tekist á við erfið verkefni með takmörkuðu rekstrarfé með einstökum hætti sem ber að þakka. Frávik í rekstri ársins 2012 hjá deildum eru ekki veruleg nema í fræðslu- og uppeldismálum, skipulags- og byggingarmálum og umhverfismálum. Þau frávik skýrast helst af örum vexti samfélagsins; börnum hefur fjölgað á leikskólum sem kallar á fleira starfsfólk, þá var horfið frá hækkun leikskólagjalda í upphafi síðasta árs. Meiri umsvif hafa verið í skipulags- og byggingarmálum og mikið starf hefur verið unnið í umhverfismálum síðasta ár.
Skuldir hafa verið greiddar niður um 105 milljónir króna á síðasta ári sem er 60 milljónum krónum meira en gert var ráð fyrir í fjárhagsáætlun ársins 2012.
Helstu lykiltölur úr ársreikningi samstæðu Vesturbyggðar:
* Niðurstaða rekstrar er jákvæð um 21,4 millj.kr. og skuldahlutfall nemur 144% í árslok 2012. Þetta hlutfall var 174% í árslok 2011.
* Bókfærðar heildarskuldir og skuldbindingar sveitarfélagsins hafa á árinu 2012 lækkað um 74 milljónir króna.
* Samkvæmt rekstrarreikningi ársins 2012 námu rekstrartekjur A og B-hluta 848 millj. kr. samanborið við 744 millj. kr. á árinu 2011. Hækkun milli ára nemur því 104 millj. kr.
* Rekstrargjöld A og B-hluta, þ.e. laun og launatengd gjöld, annar rekstrarkostnaður og afskriftir námu á árinu 2012 753 millj. kr. en voru 739 millj. kr. á árinu 2011. Hækkun frá fyrra ári 14 millj. kr.
* Í ársreikningi kemur fram að mismunur tekna og gjalda A-hluta er jákvæður um 20,7 millj. kr.
* Hafnarsjóður, Vatnsveita, Fráveita, Félagslegar íbúðir og Fasteignir Vesturbyggðar ehf. teljast til B-hluta sveitarfélagsins. Rekstrarniðurstaða B-hluta í heild sinni er jákvæð um 0,7 millj. kr.
* Fjármagnsgjöld umfram fjármunatekjur A og B-hluta árið 2012 námu 74 millj. kr. en fjármunatekjur umfram fjármagnsgjöld voru 48 millj. kr. árið 2011.
* Samkvæmt sjóðstreymisyfirliti nam veltufé frá rekstri A og B-hluta 110 millj. kr. á árinu 2012 samanborið við 35 millj. kr. á árinu 2011. Að teknu tilliti til breytinga á rekstrartengdum eignum og skuldum nam handbært fé frá rekstri A og B-hluta 66 millj. kr. samanborið við handbært fé frá rekstri 38 millj. kr. á árinu 2011.
* Jákvæðar fjárfestingarhreyfingar (innborganir umfram útborganir) á árinu 2012 í A og B-hluta námu 0,4 millj. kr. samanborið við 16,9 millj. kr. neikvæðar fjárfestingarhreyfingar á árinu 2011.
* Afborganir langtímalána umfram lántökur námu 105 millj. kr. samanborið við afborganir umfram lántökur 9 millj. kr. árið áður.
* Handbært fé lækkaði um 39 millj. kr. á árinu og nam það 1,3 millj. kr. í árslok 2012.“
Ársreikningur bæjarsjóðs Vesturbyggðar og stofnana hans fyrir árið 2012 samþykktur samhljóða.
Málsnúmer 1305021 3
Fleira ekki gert. Fundi slitið kl. 15:00
Bæjarstjórn Vesturbyggðar kom saman til 259. fundar þriðjudaginn 4. júní 2013 kl. 15:00 í fundarsal bæjarstjórnar að Aðalstræti 63, Patreksfirði.
Forseti bæjarstjórnar Friðbjörg Matthíasdóttir setti fundinn og kannaði hvort athugasemdir séu við fundarboðun. Svo var ekki.
Fjarverandi bæjarfulltrúi