Bæjarráð #741

Þórir Sveinsson kom inn á fundinn. Lagt fram minnisblað um Akstursþjónustu fyrir fatlaða og aldraða í Vesturbyggð frá Elsu Reimarsdóttur og Þóri Sveinssyni.
Lagðir fram tveir kostir vegna aksturs fatlaðra og aldraðra:
a. Leigja bifreið.
b. Kaup á bifreið.

Bæjarráð samþykkir að leita eftir bifreið til kaups.

Lagðar fram frekari upplýsingar vegna Fjármálaráðstefnu sveitarfélaga.

Lagt fram bréf frá Óskari Páli Óskarssyni fh. Ríkiseigna þar sem óskað er eftir umsögn vesturbyggðar á að stofnuð verði hófleg leigulóð umhverfis yngri prestsbústaðsins á jörðinni Sauðlauksdal.

Bæjarráð tekur jákvætt í erindið en telur mikilvægt að hugað verði að hagsmunum Sauðlauksdalskirkju við undirbúning málsins.

Bæjarráð felur bæjarstjóra að óska eftir viðræðum við flugfélagið Erni um að boðið verði upp á aukaflug einn dag í viku í samstarfi við stofnanir og atvinnufyrirtæki á starfssvæðinu. Með aukaflugi væri hægt að fljúga fram og til baka á sama degi og þannig væri betur hægt að þjóna atvinnulífi og stofnunum í ört vaxandi samfélagi.

Bæjarstjóri upplýsti að búið væri að bjóða bæjarfulltrúum til formlegrar víglslu á Vestfjarðavegi 60 við Mjóafjarðarbrú, föstudaginn 11. sept. Bæjarráð fagnar þessum mikilvæga áfanga í samgöngumálum svæðisins og því að nú fer brátt að sjá til lands í því að íbúar komist alla leið á bundnu slitlagi.

Innanríkisráðherra mun halda opinn samgöngufund í félagsheimili Patreksfjarðar laugardaginn 12. sept. kl. 10.30 og hvetur bæjarráð íbúa til að mæta á þann fund.

Lögð fam til kynningar fundargerð Breiðafjarðarnefndar.