Bæjarráð #679

Rætt um hjúkrunarheimili og þjónustumiðstöð við HSP og tillögur Arkís frá fyrra ári og almennt um stöðu eldri borgara í Vesturbyggð.
Bæjarstjóra falið að óska eftir fundi bæjarráðs með heilbrigðisráðherra vegna málsins.

Lögð fram áskorun frá eldri borgurum á Patreksfirði þar sem bæjaryfirvöld eru hvött til þess að bæta úr húsnæðismálum í Eyrarseli.
Bæjarráð þakkar eldri borgurum fyrir bréfið og bæjarstjóra falið að boða til fundar með eldri borgurum í Eyrarseli með bæjarráði.
Arnheiður Jónsdóttir starfsmaður félagsþjónustu kom inn á fundinn og kynnti nýjungar í þjónustu við eldri borgara í Vesturbyggð.
Bæjarráð samþykkir framlagðar tillögur að lítilsháttar breytingum á húsnæði Eyrarsels og felur starfsmönnum Vesturbyggðar að fylgja því eftir.
Bæjarráð samþykkir ennfremur að hafin verði vinna að framtíðarlausnum í húsnæðismálum fyrir eldri borgara í Vesturbyggð.

Lagt fram bréf frá Innanríkisráðuneytinu þar sem óskað er eftir samstarfi við sveitarfélög um þjónustu við hælisleitendur.
Bæjarráð sér sér ekki fært um að verða við erindinu.

Lagt fram minnisblað um grenjavinnslu frá 2011-2012.
Málinu frestað til næsta fundar.

Formaður bæjarráðs kynnti 1. fund fjallskilanefndar Vesturbyggðar og Tálknafjarðarhrepps. Fundargerð lögð fyrir á næsta bæjarráðsfundi.

Fært í trúnaðarmálabók.

Rætt um fjárhagsstöðu janúar-maí.

Vesturbyggð og Tálknafjarðarhreppur hafa gert með sér samstarfssamning um sameiginleg verkefni sveitarfélaganna; félagsþjónustu, forstöðumann tæknideildar og skipulags-og byggingarfulltrúa, fjallskilanefnd, slökkviliðsstjóra og sameiginlegan launaútreikning. Auk þess reka Vesturbyggð og Tálknafjarðarhreppur saman Minjasafn Egils Ólafssonar á Hnjóti.
Í ljósi þessa samstarfs og síaukinna verkefna sveitarfélaga í framtíðinni óskar bæjarráð Vesturbyggðar eftir formlegum viðræðum við hreppsnefnd Tálknafjarðarhrepps um sameiningu sveitarfélaganna þannig að kosið verði um sameiningu sveitarfélaganna í komandi sveitarstjórnarkosningum.