Fundur haldinn í fjarfundi, 14. ágúst 2020 og hófst hann kl. 16:00
Nefndarmenn
- Barði Sæmundsson (BS) aðalmaður
- Friðbjörg Matthíasdóttir (FM) aðalmaður
- Jóhann Pétur Ágústsson (JPÁ) aðalmaður
- Jóhanna Gísladóttir (JG) aðalmaður
- Jón Garðar Jörundsson (JGJ) aðalmaður
Starfsmenn
- Elfar Steinn Karlsson (ESK) byggingafulltrúi
Fundargerð ritaði
- Elfar Steinn Karlsson byggingarfulltrúi
Almenn erindi
1. Vestfjarðavegur (60) um Dynjandsheiði, Penna - Þverdalsvatn - umsókn um framkvæmdaleyfi
Lagt fram erindi Vegagerðarinnar frá 10. júlí 2020 þar sem sótt er um framkvæmdaleyfi til Vesturbyggðar skv. 13. gr. skipulagslaga nr. 123/2010, fyrir byggingu Vestfjarðavegar um Dynjandisheiði um Penningsdal ofan við Pennuá og upp fyrir Þverdalsvatn, um 5.7km leið. Álit Skipulagsstofnunar um heildarframkvæmdina liggur fyrir dagsett 3. júlí 2020. Í umsókninni er einungis verið að sækja um leyfi fyrir hluta framkvæmdar sem er í samræmi við gildandi aðalskipulag Vesturbyggðar 2006-2018 og er óháð þeim valkostum sem lagðir hafa verið fram um Vatnsfjörð og Flókalund upp Penningsdal. Efni í framkvæmdina verður sótt í skeringar og meðfram vegi.
Meðfylgjandi umsókninni er framkvæmdalýsing og uppdrættir af fyrirhuguðum framkvæmdasvæðum.
Skipulags- og umhverfisráð samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010.
Málsnúmer 2007046 4
2. Dufansdalur Efri - Umsókn um framkvæmdaleyfi, lagnaleið.
Erindi frá Þórarni K. Ólafssyni og Arnhildi Ásdísi Kolbeins dags 15. júlí 2020. Í erindinu er sótt um framkvæmdaleyfi vegna lagningar 2 km háspennustrengs fyrir 11 kV dreifingu fyrir Dufansdal Efri sem og frístundabyggð í Dufansdal. Strengleiðin mun að hluta til fara um land Dufansdals Neðri og mun verða fengin heimild landeiganda fyrir því að plægja lögnina niður, þar sem hún þverar mela og neðsta hluta í túni býlisins. Með framkvæmdaleyfisumsókninni fylgdi yfirlitsuppdráttur af strengleiðinni og framkvæmdalýsing.
Skipulags- og umhverfisráð samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010 þegar skriflegt samþykki landeiganda og jákvæð umsögn Minjavarðar og Fiskistofu liggja fyrir. Einnig kallar ráðið eftir uppmælingu af legu strengsins í heild þegar framkvæmd er lokið. Framkvæmdaraðili skal gæta þess að rask á framkvæmdasvæðinu verði lágmarkað og vel gengið frá eftir framkvæmdir.
Málsnúmer 2007042 2
3. Langahlíð 16A. Umsókn um byggingarleyfi.
Erindi frá Hrafnshól ehf, dags. 12. ágúst. Í erindinu er sótt um byggingarleyfi fyrir 257,4 m2 fjögurra íbúða húsi á tveimur hæðum að Lönguhlíð 16A, Bíldudal. Erindinu fylgja teikningar unnar af Studio F - arkitektum, dags. 21.07.2020.
Skipulags- og umhverfisráð samþykkir byggingaráformin með fyrirvara um jákvæða niðurstöðu grenndarkynningar. Ráðið felur skipulagsfulltrúa að grenndarkynna framkvæmdina fyrir aðliggjandi lóðarhöfum. Útfæra þarf bílastæði fyrir húsin fyrir grenndarkynningu.
Málsnúmer 2008007 4
4. Langahlíð 16B. Umsókn um byggingarleyfi.
Erindi frá Hrafnshól ehf, dags. 12. ágúst. Í erindinu er sótt um byggingarleyfi fyrir 257,4 m2 fjögurra íbúða húsi á tveimur hæðum að Lönguhlíð 16B, Bíldudal. Erindinu fylgja teikningar unnar af Studio F - arkitektum, dags. 21.07.2020.
Skipulags- og umhverfisráð samþykkir byggingaráformin með fyrirvara um jákvæða niðurstöðu grenndarkynningar. Ráðið felur skipulagsfulltrúa að grenndarkynna framkvæmdina fyrir aðliggjandi lóðarhöfum. Útfæra þarf bílastæði fyrir húsin fyrir grenndarkynningu.
Málsnúmer 2008008 4
5. Bjarkargata. Umsókn um lóð fyrir bílskúr.
Erindi frá Halldóri Traustasyni og Eydísi Þórsdóttur, dags. 5. ágúst. Í Erindinu er sótt um lóð utan við Bjarkargötu 8, Patreksfirði til byggingar 80m2 bílskúrs. Erindinu fylgir teikning er sýnir fyrirhugaða lóð.
Skipulags- og umhverfisráð frestar erindinu og felur byggignarfulltrúa að fara yfir mögulegar útfærslur með umsækjenda.
Málsnúmer 2008003 2
6. Sigtún 2. Umsókn um lóð.
Erindi frá Eddu S. Ólafsdóttur o.fl. dags 10. ágúst. Í erindinu er sótt um byggingarlóðina að Sigtúni 2, Patreksfirði. Samkvæmt umsókn er áætlaður upphafstími framkvæmda eftir 4-6 ár.
Lóðin stendur á skilgreindu B - hættusvæði ofanflóða.
Skipulags- og umhverfisráð leggur til við bæjarstjórn að úthlutun lóðarinnar verði samþykkt en vekur jafnframt athygli umsækjenda á því að samkvæmt núgildandi ákvæðum í lóðarleigusamningum skuli framkvæmdum lokið innan þriggja ára frá útgáfu lóðarleigusamnings.
Málsnúmer 2008005 2
7. Mikladalsvegur 5. Ósk um endurnýjun lóðarleigusamnings.
Erindi frá Eggert Björnssyni, dags. 10. ágúst. Í erindinu er sótt um endurnýjun lóðarleigusamnings fyrir Mikladalsveg 5, Patreksfirði. Erindinu fylgir tillaga að nýrri afmörkun lóðar.
Skipulags- og umhverfisráð leggur til við bæjarstjórn að erindið verði samþykkt.
Málsnúmer 2008002 2
8. Aðalstræti 11. Ósk um endurnýjun lóðarleigusamnings.
Erindi frá Unnsteini L. Jenssyni, dags. 17. júlí. Í erindinu er sótt um endurnýjun lóðarleigusamnings fyrir Aðalstræti 11, Patreksfirði. Erindinu fylgir tillaga byggingarfulltrúa að nýrri afmörkun lóðar.
Skipulags- og umhverfisráð leggur til við bæjarstjórn að erindið verði samþykkt.
Málsnúmer 2007048 2
9. Ósk um endurnýjun á lóðarleigusamningi
Erindi frá Strönd ehf, dags. 30. júlí. Í erindinu er sótt um endurnýjun lóðarleigusamnings fyrir Saumastofuna Krossholtum Barðaströnd, landnr. 139840.
Skipulags- og umhverfisráð leggur til við bæjarstjórn að erindið verði samþykkt en vekur jafnframt athygli bæjarstjórnar á því að í eldri lóðarleigusamningi eru forkaupsréttarákvæði.
Málsnúmer 2007062 2
10. Smiðjustígur 1. Ósk um endurnýjun lóðarleigusamnings.
Erindi frá Pétri Bjarnasyni, dags. 10. ágúst. Í erindinu er sótt um endurnýjun lóðarleigusamnings fyrir Smiðjustíg 1, Bíldudal. Erindinu fylgir tillaga byggingarfulltrúa að nýrri afmörkun lóðar.
Skipulags- og umhverfisráð leggur til við bæjarstjórn að erindið verði samþykkt.
Málsnúmer 2008004 2
11. Aðalstræti 10. Ósk um endurnýjun lóðarleigusamnings.
Erindi frá Oddi Þ. Rúnarssyni, dags. 11. ágúst. Í erindinu er sótt um endurnýjun lóðarleigusamnings fyrir Aðalstræti 10 á Patreksfirði.
Skipulags- og umhverfisráð leggur til við bæjarstjórn að erindið verði samþykkt.
Málsnúmer 2008006 2
Fleira ekki gert. Fundi slitið kl. 17:16