Málsnúmer 1803008
6. mars 2018 – Bæjarráð
Rætt um skólamál á Birkimel og fyrirkomulag aksturs leik- og grunnskólabarna frá Barðaströnd til Patreksfjarðar.
Bæjarráð óskar eftir fundi með fulltrúum fræðslu- og æskulýðsráðs og felur verkefnastjóra samfélagsuppbyggingar að skoða fyrirkomulag á akstri leik- og grunnskólabarna frá Barðaströnd til Patreksfjarðar á næsta skólaári, þ.e. 2018-2019.
6. apríl 2018 – Bæjarráð
Mætt til viðræðna við bæjarráð Gerður B. Sveinsdóttir, verkefnastjóri samfélagsuppbyggingar um fyrirkomulag aksturs leik- og grunnskólabarna frá Barðaströnd til Patreksfjarðar skólaárið 2018-2019.
Bæjarráð felur verkefnastjóra samfélagsuppbyggingar í samráði við fræðslustjóra að undirbúa útboð á akstri leik- og grunnskólabarna frá Barðaströnd til Patreksfjarðar skólaárið 2018-2019.
15. maí 2018 – Fræðslu og æskulýðsráð
Kynntar niðurstöður viðræðna við foreldra leikskólabarna á Barðaströnd. Á næsta skólaári verða 4 leikskólabörn og 2 grunnskólabörn. Fyrir liggur að leitað verður eftir tilboðum í sameiginlegan skólaakstur grunn- og leikskólabarna af Barðaströnd.
17. júlí 2018 – Bæjarráð
Tvö tilboð bárust í skólaakstur á Barðaströnd fyrir komandi skólaár. Bæjarstjóra falið að afla frekari upplýsinga frá bjóðendum.
Afgreiðslu máls frestað til næsta fundar.
24. júlí 2018 – Bæjarráð
Tvö tilboð bárust í skólaakstur á Barðaströnd fyrir komandi skólaár. Á síðasta fundi bæjarráðs var bæjarstjóra falið að afla frekari gagna. Báðir bjóðendur sendu inn gögn. Er það niðurstaða bæjarráðs að samið verði við Ísak Jansson á grundvelli innsendra gagna.
Bæjarstjóra falið að ganga frá samningi við Ísak.
Samþykkt samhljóða