Fjallskil 2016

Lagður er fram fjallskilaseðill 2016, seðillinn samþykktur og birtur á heimasíðu Vesturbyggðar og Tálknafjarðarhrepps.

Vinnu síðasta fundar við endurbætur á fjallskilaseðli haldið áfram. Búið er að útnefnda leitarstjóra á flestum svæðum en fínpússa þarf ákveðin atriði áður en hægt er að birta seðilinn. Næsti fundur fjallskilanefndar verður haldin þriðjudaginn 30. september.

Rætt um fjallskil 2016.
Bæjarráð felur bæjarstjóra að koma að athugasemdum til fjallskilanefndar um fjallskilaseðil 2016.

Borist hafa nokkrar athugasemdir við Fjallskilaseðilinn 2016. Þær voru teknar til skoðunar og ræddar af nefndinni. Seðlinum verður ekki breytt héðan í frá enda smölun byrjuð og seðillinn verið sendur út. Formanni fjallskilanefndar falið að setja sig í samband við þá sem sendu inn athugasemdir við seðilinn. Athugasemdirnar verða notaðar við vinnu við Fjallskilaseðil 2017.

Ákveðið er að funda með leitarstjórum fjallskila 2016, vegna framkvæmda og heimtum á fé við fjallskil 2016. Spurningarlisti verður sendur leitarstjórum fyrir fund, ásamt korti af leitarsvæði. Stefnt er að , búið verði að funda með leitarstjórum í lok janúar. Samþykkt samhljóða.

Fjallskilasjóður sendir út bréf til leitarstjóra og óskar eftir upplýsingum um fjallskil 2016.

Farið var yfir gögn sem borist hafa vegna Fjallskila 2016. Ekki hafa allir leitarstjórar skilað inn gögnum og er búið að hafa samband við þá sem ekki hafa skilað og óskað eftir því að gögnin verði send sem fyrst.

Guðjón Bjarnason, leitarstjóri á svæði 6, kom á fund nefndarinnar og fór yfir fjallskil á sínu leitarsvæði.