Málsnúmer 1603048
23. maí 2016 – Skipulags og umhverfisráð
Erindi tekið fyrir öðru sinni, málinu var frestað á 21.fundi skipulags- og umhverfisráðs Vesturbyggðar þann 12.apríl 2016. Ráðið óskaði þá eftir frekari upplýsingum um nýtingu lóðarinnar og fól byggingarfulltrúa að vinna grenndarkynningu byggða á þeim upplýsingum.
Byggingarfulltrúi hefur nú látið vinna grenndarkynningu á fyrirhuguðum áformum. Sjö aðilar af átta gerðu ekki athugasemd við áform S.Hermannssonar um rekstur trésmíðaverkstæðis í umræddri fasteign en fyrir liggur athugasemd um að gert verði mat á hljóðvist frá fyrirhugaðri starfsemi og áhrifum á næsta nágrenni frá einum aðila. Skipulags- og umhverfisráð telur umfang rekstursins ekki gefa tilefni til skoðunar á hávaðamengun frá starfseminni.
Skipulags- og umhverfisráð gerir ekki athugasemdir við að S.Hermannson reki trésmíðaverkstæði að Aðalstræti 73 en lögð verður rík áhersla á snyrtilega umgengni.
12. apríl 2016 – Skipulags og umhverfisráð
Lagt fram bréf frá Sigurpáli Hermannssyni f.h. S. Hermannsson slf varðandi skráningu og breytta notun á fasteigninni Aðalstræti 73, Patreksfirði.
Skipulags- og umhverfisráð frestar málinu og óskar eftir frekari upplýsingum um nýtingu lóðarinnar, þegar þær upplýsingar liggja fyrir skal byggingarfulltrúi vinna grenndarkynningu byggða á þeim gögnum.
22. mars 2016 – Bæjarráð
Lagt fram bréf frá Sigurpáli Hermannssyni f.h. S. Hermannsson slf varðandi skráningu og breytta notun á fasteigninni Aðalstræti 73, Patreksfirði.
Bæjarráð vísar erindinu til skipulags- og umhverfisráðs til umfjöllunar.