Málsnúmer 1602011
12. apríl 2016 – Skipulags og umhverfisráð
Tekið fyrir erindi frá Hannesi Bjarnasyni f.h. meirihlutaeigenda Litlu-Eyrar, Bíldudal. Í erindinu er sótt um leyfi til að leggja vatnslögn frá Strengfelli í Bíldudalnum niður í byggðina í Bíldudalnum meðfram Dalbrautinni að Arnarbakka. Lengd lagnar verður um 4 km og sverleiki plastlagnar 90-160 mm. Erindinu fylgir loftmynd af fyrirhugaðri legu lagnarinnar unnin af Verkís. Vatnið er ætlað til notkunar fyrir jarðvarmadælur í byggðarlaginu Bíldudal skv. bréfritara. Erindið hafði áður verið tekið fyrir hjá skipulags- og umhverfisráði þann 22.febrúar s.l., og frekari gagna óskað.
Skipulags- og umhverfisráð fellst á að framkvæmdin sé minniháttar og samþykkir erindið fyrir sitt leyti. Einnig kallar ráðið eftir uppmælingu af legu lagnarinnar í heild þegar framkvæmd er lokið.
22. febrúar 2016 – Skipulags og umhverfisráð
Erindi frá Hannesi Bjarnasyni f.h. meirihlutaeigenda Litlu-Eyrar, Bíldudal. Í erindinu er sótt um leyfi til að leggja vatnslögn frá Strengfelli í Bíldudalnum niður í byggðina í Bíldudalnum meðfram Dalbrautinni að Arnarbakka. Lengd lagnar verður um 4 km og sverleiki plastlagnar 90-160 mm. Erindinu fylgir loftmynd uf fyrirhugaðri legu lagnarinnar unnin af Verkís. Vatnið er ætlað til notkunar fyrir jarðvarmadælur í byggðarlaginu Bíldudal skv. bréfritara.
Ekki kemur fram í umsókninni hvort fyrirhugað sé að leggja lögnina í jörðu eða á yfirborð.
Skipulags- og umhverfisráð óskar eftir frekari upplýsingum og felur byggingarfulltrúa að afla þeirra. Málinu frestað.