Málsnúmer 1302001
Skráðu netfangið þitt og við sendum tilkynningu ef það er skráð fundargerð með þessu málsnúmeri.
5. febrúar 2013 – Bæjarráð
Fjárhagsgögn verða lögð fram á fundinum.
Þórir Sveinsson skrifstofustjóri kom inn á fundinn. Lagðar fram fjárhagsupplýsingar fyrir árið 2012.
Bæjarráð Vesturbyggðar samþykkir hér með að taka lán hjá Lánasjóði sveitarfélaga ohf. að fjárhæð 77.000.000 kr., í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr., 68. gr. sveitarstjórnarlaga nr. 138/2011. Er lánið tekið til að endurfjármagna afborganir sveitarfélagsins hjá Lánasjóði sveitarfélaga á árinu 2013 að fjárhæð 70 milljónir auk þess að fjármagna fráveitu -og vatnsveituframkvæmdir að fjárhæð 7 milljónir króna, sbr. 3 gr. laga um stofnun opinbers hlutafélgas um Lánasjóð sveitarfélaga nr. 150/2006.
Ásthildi Sturludóttur bæjarstjóra Vesturbyggðar, kt. 100674-3199, er veitt fullt og ótakmarkað umboð til þess f.h. Vesturbyggðar að undirrita lánssamning við Lánasjóð sveitarfélaga ohf. sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.
Bæjarráð Vesturbyggðar veitir jafnframt Ásthildi Sturludóttur bæjarstjóra, kt. 100674-3199 hér með heimild til skammtímalántöku hjá Lánasjóði sveitarfélaga að fjárhæð allt að 30 milljónir. Heimildin gildir út árið 2013.