Íþrótta- og æskulýðsnefnd #58

Lilja Sigurðardóttir formaður HHF mætti á fundinn og fór yfir starfið það sem liðið er af árinu. Saga Ólafsdóttir var kjörinn íþróttamaður ársins. Samstarf HHF við vesturland hefur aukist og er vilji til að styrkja það frekar. Nýjir búningar eru nú tilbúnir og verða auglýstir til sölu. Ný heimasíða www.hhf.is var opnuð. Starfið gengur vel. Nú hefur HHF misst aðstöðu sína sem var í sláturhúsinu og einnig fundaraðstöðu.

Nefndin hvetur til þess stjórnir aðildarfélaga félagsheimila verði skipaðar þar sem starf hefur legið niðri. Félagsheimilin eru í misjöfnu ástandi og þarf að huga að viðhaldi þar sem það er brýnast.

Íþrótta- og æskulýðsnefnd hvetur íþróttafélögin til þess að viðhalda samstarfi í íþróttum yfir vetrartímann.

Íþrótta- og æskulýðsnefnd hvetur foreldra til þess að ganga með börnum sínum í skólann. Mikilvægt er að foreldrar hvetji börn sín og unglinga til aukinnar virkni og að þau gangi til og frá skóla á meðan öruggt er. Almenningur er hvattur til þess að sýna gott fordæmi með því að leggja bílum sínum og ganga eða hjóla til vinnu eða annarra verkefna.

Á 57. fundi sínum bókaði íþrótta- og æskulýðsnefnd: Nefndin hefur áhuga fyrir því að stofnað verði sameiginlegt ungmennaráð fyrir bæði sveitarfélögin. Fundargerðin var staðfest á 249. fundi bæjarstjórnar Vesturbyggðar og verður lögð fyrir á fundi Hreppsnefndar Tálknafjarðarhrepps í dag. Nefndin mun taka málið upp á næsta fundi sínum.

Myndir hafa borist frá Krumma vegna útihreystibrautar. Kostnaðartölur liggja ekki fyrir. Á síðasta fundi nefndarinnar voru teknar fyrir myndir og gróf kostnaðaráætlun varðandi heila Skólahreystibraut. Á næsta fundi liggi fyrir nánari kostnaðaráætlun við hreystibraut.

Önnur mál:
Move week
Nefndin hvetur íþróttafélögin og HHF til þess að taka þátt í verkefninu sem hefst 1. október. Frekari upplýsingar um verkefnið eru á heimasíðu UMFÍ.