Heimastjórn Patreksfjarðar #2

Lögð fram drög að reglum um fjárhagsáætlunarferlið 2024 vegna áætlunar 2025 - 2028 ásamt drögum að dagsetningum við vinnu fjárhagsáætlunar.

Nanna Lilja Sveinbjörnsdóttir, sviðsstjóri fjármála-og stjórnsýslusviðs kom inn á fundinn og kynnti verkáætlun varðandi gerð fjárhagsáætlunar fyrir 2025 - 2028 og helstu dagsetningar í því ferli.

Gerður Björk Sveinsdóttir bæjarstjóri kom inn á fundinn undir þessum lið og ræddi stöðu styrkvega í sveitarfélaginu.

Heimastjórn Patreksfjarðar hvetur til að skoðað verði hvort slóði niður á Þúfneyri og gamli vegurinn upp Mikladal falli undir mögulegar styrkveitingar til lagfæringar á þeim.

Magnús Árnason verkefnastjóri á umhverfis- og framkvæmdasviði kom inn á fundinn og fór yfir framkvæmdir á skólalóð Patreksskóla.

Magnús fór yfir framkvæmdir á skólalóð Patreksskóla og kynnti stöðu þeirra. Heimastjórn Patreksfjarðar fagnar þessum framkvæmdum og hversu vel gengur.
Einnig fór Magnús yfir stöðu á lóð Arakletts og fyrirhugaðar lagfæringar.

Lagt fram til kynningar, fundargerð þriðja verkfundar vegna framkvæmda við endurgerð Brunna, lagnir og gata. Til aðgreiningar eru nýr texti frá verkfund í bláu. Áætlað er að búið sé að framkvæma milli 25-30% af verkinu.

Lagt fram til kynningar.