Bæjarráð #744

Mætt til viðræðna við bæjarráð forstöðumenn/deildarstjórar til að ræða beiðnir um sérgreind verkefni vegna fjárhagsáætlunar 2016:
Nanna Sjöfn Pétursdóttir, skólastjóri.
Helga Bjarnadóttir, leikskólastjóri.
Hallveig Ingimarsdóttir, aðstoðarleikskólastjóri.
Erlingur Óskarsson, forstöðumaður bókasafna.
Elsa Reimarsdóttir, félagsmálastjóri.
Arnheiður Jónsdóttir, félagsmálafulltrúi.

Rætt um Vestfjarðaveg og tillögu að matsáætlun í kynningu.
Bæjarráð Vesturbyggðar hefur kynnt sér efni tillögu að umhverfismatsáætlun Vegagerðarinnar vegna Vestfjarðavegar (60) milli Bjarkalundar og Skálaness í Reykhólasveit. Það er mat bæjarráðs að tillagan taki á þeim þáttum er varða umhverfi, samfélag og atvinnulíf á áhrifasvæði framkvæmdarinnar. Bæjarráð Vesturbyggðar leggur til að tillaga að umhverfismati verði samþykkt óbreytt og ítrekar fyrri áskoranir að afgreiðslu verði hraðað eins og kostur er þannig að framkvæmdir geti hafist sem fyrst.
Tillagan samþykkt og bæjarstjóra falið að senda bókunina til Skipulagsstofnunar.