Bæjarráð #711

Lagt fram bréf frá Atvinnuvega-og nýsköpunarráðuneytinu þar sem auglýst er eftir umsóknum um byggðakvóta fiskveiðirársins 2014-2015. Bæjarstjóra falið að sækja um byggðakvóta fyrir Vesturbyggð.

Lagt farm bréf frá Vinnueftirlitinu vegna áhaldahúss á Patreksfirði. Gerðar voru smávægilega athugasemdir við starfsmannarými. Forstöðumanni Tæknideildar falið að sjá um viðeigandi umbætur og vinna áætlun um öryggi og heilbrigði á vinnustaðnum.

Lagt fram bréf frá Byggðastofnun þar sem auglýst er Byggðaráðtefna Íslands sem haldin verður á Patreksfirði 19.-20. september 2014. Bæjarráð hvetur íbúa til að mæta.

Lögð farm skýrsla um eldvarnareftirlit í Bröttuhlíð, Patreksfirði. Nokkrar athugasemdir voru lagðar fram. Nú þegar hefur verið auglýst útboð á viðhaldsframkvæmdum við Bröttuhlíð og er ráðgert að klára öll þau verkefni sem gerð er athugasemd við í þeim framkvæmdum. Áætluð verklok eru 1. júní 2015.

Lögð fram skýrsla um eldvarnareftirlit í FHP. Tillögur að útbótum verða lagðar fyrir fjárhasáætlunarvinnu 2015.

Lagt fram boð á 59. Fjórðungsþing Vestfirðinga sem haldið verður á Þingeyri 3. og 4. október 2014.

Lagt fram fundarboð á ársfund Náttúrustofu Vestfjarða. Þórir Sveinsson, skrifstofustjóri Vesturbyggðar, verður fulltrúi Vesturbyggðar á fundinum.

Lagt fram erindi frá Lilju Sigurðardóttur og Vénýju Guðmundsdóttur fh. foreldra ungra barna í Vesturbyggð þar sem skorað er á bæjarstjórn að leyfa foreldrum ungra barna sem ekki eru komin á leikskólaaldur að sækja um niðurgreiðslu vegna dagvistunar hjá dagforeldri og ráðstafa að eigin ósk.

Bæjarráð tekur jákvætt í erindið og óskar eftir frekari gögnum um greiðslur til foreldra í öðrum sveitarfélögum.

Lagt fram erindi frá Fjármála-og efnahagsráðuneytinu vegna leigusamnings um ríkis-og eyðijörðina Sauðlauksdal. Bæjarstjóra falið að hafa samband við Fjármála og efnahagsráðuneytið vegna málsins. Ákvörðun frestað til næsta fundar.

Bæjarráð Vesturbyggðar harmar niðurstöðu Skipulagsstofnunar um að hafna beiðni Vegagerðarinnar um tillögu að matsáætlun vegna nýrrar veglínu Vestfjarðavegar 60 í Gufudalssveit. Mikil breytingar hafa verið gerðar á fyrri tillögum sbr. svokallaða B leið til þeirra tillagna sem Skipulagsstofnun tók nú afstöðu til.

Bæjarráð Vesturbyggðar hvetur Alþingi til að setja sérstök lög um lagningu vegar í Gufudalssveit.

Lögð fram til kynningar fundargerð heilbrigðisnefndar Vestfjarða nr. 98.

Lögð fram drög að reglugerð um starfsemi slökkviliða hjá Mannvirkjastofnun. Frestað til næsta fundar.