Bæjarráð #703

Máli frestað.

Frestað til næsta fundar.

Bæjarráð samþykkir 200 þúsund króna styrk í Gufupönkhátíð í Vesturbyggð.

Frestað til næsta fundar.

Bæjarráð Vesturbyggðar bendir á að þrátt fyrir að tillaga að matsáætlun sé í samræmi við stefnuuppdrátt nýtingaráætlunar sveitarfélaganna fyrir strandsvæði Arnarfjarðar frá júní 2013, þá hafa rækjusjómenn í Arnarfirði ekki staðfest þá áætlun og gerðu formlega athugasemd við staðsetningu eldis í Borgarfirði á þeim forsendum að þar séu uppeldisstöðvar og veiðisvæði rækju. Bæjarráð Vesturbyggðar getur þess vegna ekki mælt með þessari staðsetningu þar sem þar sem staðsetningin skarast á við núverandi nýtingu rækjuleyfishafa í Borgarfirði. Bæjarráð felur bæjarstjóra að kalla eftir umsögn Hafrannsóknarstofnunar um nýtinguna. Bæjarráð hvetur ennfremur til þess að burðarþolsrannsóknum vegna fiskeldis á Vestfjörðum verði hraðað.

Lagt fram bréf frá Erlu Rún Jónsdóttur fh. Félagsmiðstöðvarrinnar á Bíldudal þar sem óskað er eftir styrk til reksturs og tækjakaupa. Bæjarráð samþykkti að styrkja Félagsmiðstöðina á Bíldudal í fjárhagsáætlun 2014 og erindið fellur þar undir.

Lagt fram bréf frá Sögufélagi Barðastrandarsýslna vegna söguskráningar Vesturbyggðar. Bæjarráð boðar forsvarsmenn Sögufélagsins á næsta fund bæjarráðs.

Lagt fram boð frá Samorku um aðild að félaginu. Bæjarráð Vesturbyggðar þakkar gott boð en hafnar erindinu.

Lagt fram minnisblað frá Félagsmálastjóra vegna launa í vinnuskólanum.
Bæjarráð samþykkir tillögu 3. skv. minnisblaði Félagsmálastjóra, hækkun á launum um 3,5% frá fyrra ári. Bæjarráð samþykkir að yngsti hópur vinni í 6 vikur og tveir eldri hóparnir starfi í 8 vikur.

Lagt fram erindi frá Alþingi þar sem óskað er eftir umsögn um fjögurra ára samgönguáætlun, 2013-2016.
Bæjarráð Vesturbyggðar leggur áherslu á að framkvæmdum við Vestfjarðaveg 60 í Gufudalssveit verði hraðað og lausn á deilum um vegstæði verði leystar. Bæjarráð fagnar fyrirhuguðum framkvæmdum við Dýrafjarðargöng og endurnýjun vegs um Dynjandisheiði. Bæjarráð Vesturbyggðar gerir athugasemd við að nýtt vegstæði út á Látrabjarg sé ekki í drögum að Samgönguáætlun en vegurinn þá leið er fjölfarinn af ferðamönnum og er hættulegur vegfarendum. Bæjarráð Vesturbyggðar skorar á Alþingi að bæta við fjármagni til viðhalds vega enda er stór hluti vegakerfis Vestfjarða enn malarvegir sem þurfa mikið viðhald. Bæjarráð ítrekar mikilvægi allra þessara samgönguframkvæmda fyrir samfélagið á Vestfjörðum. Mikil atvinnuuppbygging á sér nú stað á sunnanverðum Vestfjörðum og núverandi vegir þola ekki þá umferð sem um vegina fara í dag, hvað þá umferð sem verður þegar laxeldi verður komið í fulla framleiðslu. Í þessu sambandi er mikilvægi ferjunnar Baldurs ítrekað sem þarfnast endurnýjunar og flugvallarins á Bíldudal sem þarfnast lengingar. Eins er mikilvægt að skoða frekari almenningssamgöngur innan svæðis í tengslum við ferjusiglingar Baldurs og áætlunarflug á Bíldudal.
Bæjarráð Vesturbyggðar skorar á Alþingi Íslendinga að leggja frekara fjármagn til samgöngumála enda er of mörgum mikilvægum verkefnum ólokið.

Lagt fram til kynningar.

Frestað til næsta fundar.

Lagt fram til kynningar yfirlit yfir skipulagsmál og stöðu þeirra í sveitarfélaginu.

Elfar Steinn Karlsson kom inn á fundinn og fór yfir stöðu verkefna og viðhalds.
Bæjarráð felur tæknideild að koma með frekari upplýsingar um Strandgötu á Bíldudal og vegna Aðalstrætis á Patreksfirði. Nánari umfjöllun frestað til næsta fundar.

Nánari upplýsingum frestað til næta fundar.

Lagt fram til kynningar bréf frá Minjastofnun þar sem tilkynnt er um styrk til Vesturbyggðar til viðgerða og málunar á steinsteyptum ljósastaurum á Patreksfirði. Bæjarráð fagnar styrknum.

Lagt fram til kynningar boð á ársfund Umhverfisstofnunar 9. maí 2014.

Lögð fram til kynningar fundargerð stjórnar NAVE. Þórir Sveinsson upplýsti fundarmenn um stöðu stofnunarinnar.

Lagt fram bréf frá Jöfnunarsjóði vegna framlaga til sveitarfélaga fyrir árið 2014.

Lagt fram bréf frá Innanríkisráðuneyti þar sem samþykktir um stjórn Vesturbyggðar eru staðfestar.

Lagt fram til kynningar bréf frá Magnúsi Ólafs Hanssyni þar sem hann staðfestir þekkingu starfsfólks Bröttuhlíðar á skyndihjálp og björgun eftir námskeið sem hann hélt fyrir starfsfólk.

Lögð fram til kynningar fundargerð bæjarráðs nr. 702.