Fundur haldinn í Aðalstræti 63, Patreksfirði, 25. mars 2014 og hófst hann kl. 17:00
Fundargerð ritaði
- Ásthildur Sturludóttir bæjarstjóri
Almenn erindi
1. Flugstöð á Patreksfirði
Lagður fram tölvupóstur frá Arnóri Magnússyni, umdæmisstjóra ISAVIA varðandi flugstöðina á Patreksfirði. Bæjarstjóra falið að svara ISAVIA í samræmi við umræður á fundinum.
Málsnúmer 1403021 3
2. Rekstur og fjárhagsstaða 2014
Lagðar fram rekstrarupplýsingar vegna fyrstu tveggja mánuða ársins 2014.
Skrifstofustjóri og bæjarstjóri upplýstu bæjarfulltrúa um vinnu við ársreikninga 2013. Áætlað er að leggja þá fram til fyrri umræðu á bæjarstjórnarfundi í apríl.
Málsnúmer 1403067 5
3. Leikskólagjöld
Lagt fram minnisblað frá bæjarstjóra vegna aflsáttarkjara til námsmanna með börn á leikskólum. Ákvörðun frestað til næsta fundar.
Bæjarráð Vesturbyggðar samþykkir eftirfarandi reglur:
Námsmenn fá 25% afslátt af vistunargjaldi. Skilyrðin fyrir afsláttarkjörunum eru þau að foreldar séu skráðir í sambúð og uppfylli eftirfarandi skilyrði:
? Séu í háskólanámi og skráð í að lágmarki 22 ECTS einingar á önn. Taka þarf fram á vottorði frá skóla að um fullt nám sé að ræða;
? Séu í framhaldsskóla og skráð í fullt nám að lágmarki 15 einingar á önn. Skila skal skólavottorði fyrirfram fyrir hverja önn þar sem fram koma upplýsingar um einingafjölda og staðfesting á því að um fullt nám sé að ræða.
? Sé nám sem tekið er gilt er það sama og nám sem lánshæft er hjá LÍN.
Eignist hjón eða sambúðarfólk, sem notið hafa námsmannaafsláttar, barn, geta þau sótt um að fá námsmannaafslátt á meðan fæðingarorlof stendur, þó að hámarki í níu mánuði þrátt fyrir að annað foreldrið uppfylli ekki framangreind skilyrði um lágmarksfjölda eininga á önn enda fylgi umsókn staðfesting frá fæðingarorlofssjóði um að það foreldri sem ekki uppfyllir skilyrði námsmannaafsláttar sé í fæðingarorlofi. Afsláttur reiknast frá þeim degi sem skólavottorðum er skilað til leikskólastjóra leikskóla barnsins.
Málsnúmer 1403062
4. Þjóðbúningafélagið Auður-styrkumsókn
Arnheiður Jónsdóttir og Ásthildur Sturludóttir, véku af fundi vegna tengsla.
Lagt fram erindi frá þjóðbúningafélaginu Auði þar sem óskað er eftir stuðningi við félagið til að kosta ferðakostnað kennara vegna þjóðbúninganámskeiðs í Vesturbyggð. Nú eru 16 konur frá Vesturbyggð og Tálknafirði á námskeiði en 10 konur luku við gerð búninga á haustmisseri. Bæjarráð samþykkir 60 þúsund króna styrk til félagsins.
Málsnúmer 1403063
5. Friðlýsing Vatneyrarbúðar
Lagt fram minnisblað vegna friðlýsingar Vatneyrarbúðar. Bæjarráð samþykkir að óska eftir við Minjastofnun, friðlýsingu Vatneyrarbúðar. Bæjarstjóra falið að senda bréf þar að lútandi.
Málsnúmer 1403065
6. Styrkbeiðni vegna Samfés 2014
Lögð fram styrkbeiðni vegna Samfés 2014 frá félagsmiðstöðinni Vestend á Patreksfirði. Bæjarráð samþykkir 50 þúsund kr. styrk til Félagsmiðstöðvarinnar Vest End á Patreksfirði.
Málsnúmer 1402082
8. Skjaldborgarhátíð 2014-styrkbeiðni
Lögð fram styrkbeiðni vegna Skjaldborgarhátíðar 2014.
Bæjarráð samþykkir 200 þúsund króna styrk til hátíðarinnar auk afsláttarkjara í sundlaugina á Patreksfirði.
Málsnúmer 1403015
9. Styrkbeiðni vegna Rauðasandshátíðar
Lögð fram styrkbeiðni vegna Rauðasandshátíðar 2014.
Bæjarráð samþykkir styrk að andvirði 200 þúsund kr. til hátíðarinnar.
Málsnúmer 1403017
10. Hollvinir Húna-styrkumsókn
Lögð fram styrkumsókn frá Hollvinum Húna vegna strandmenningarhátíð í OSlo. Bæjarráð samþykkir 20 þúsund kr. styrk.
Málsnúmer 1403018
11. BsVest vegna leigu á sérstæku húsnæðisúrræði fatlaðs fólks
Lagt fram erindi frá BSVest vegna á leigu á sértæku húsnæðisúrræði fatlaðs fólks þar sem óskað er eftir heimild Vesturbyggðar að samþykkja samning BSvest og Ísafjarðarbæjar um ábyrgð á leigu á sértæku húsnæðisúrræði. Bæjarráð samþykkir erindið en leggur áherslu á að gerð verði greining á þjónustu og íbúðaþörf aðildarsveitarfélaga þjónustusvæðis BSVest.
Málsnúmer 1403007
13. Sala eigna - bifreiðar
Lagt fram minnsblað frá skrifstofustjóra varðandi sölu á JP625, Nissan Double Cab, árg. 2002, bifreið áhaldahússins á Bíldudal. Þrjú tilboð bárust í bíl áhaldahússins á Bíldudal. Tilboðsfrestur rann út 19. febrúar sl.
1. 280 þúsund frá Ingimar Oddssyni fh. félagsins Bíldalíu-félags um gerð ævintýralands á Vestfjörðum.
2. 240 þúsund frá Benedikt Hreggviðssyni.
3. 170 þúsnd frá Árna Gunnari Bárðarsyni.
Bæjarráð samþykkir að taka tilboði Ingimars Oddssonar fh. félagsins Bíldalíu, kr. 280 þúsund. Skrifstofustjóra falið að ganga frá sölunni.
Málsnúmer 1403012
15. UMFÍ landsmót 50+ 2016
Lögð fram til kynningar auglýsing frá UMFÍ varðandi framkvæmd og undirbúning 6 landsmóts 50+ árið 2016.
Málsnúmer 1403011
16. Svd.Unnur landsþing kvennadeilda 2014
Lögð fram styrkumsókn frá Slysavarnardeildinni Unni vegna landsþings kvennadeilda 2014.
Bæjarráð tekur jákvætt í erindið og óskar eftir fundi með forsvarsmönnum Slvd Unnar um málið
Málsnúmer 1403010
17. Skotíþróttafélag Vfj. styrkumsókn
Lögð fram styrkumsókn frá Skotíþróttafélagi Vestfjarða til unglingastarfs. Bæjarráð samþykkir 50 þúsund króna styrk til félagsins.
Málsnúmer 1402076
20. Menntamálanefnd beiðni um umsögn endurskoðun á lagaumhverfi er varðar uppkaup á landi mál nr.277
Lögð fram beiðni um umsögn frá Menntamálanefnd Alþingis varðandi uppá landi, mál nr. 277.
Málsnúmer 1403009
Fundargerðir til kynningar
12. Fundargerð verkefnahóps BS Vest 12. mars 2014
Til kynningar
14. Umhverfisstofnun vottun starfsleyfishafa á fyrirtækjasíðum
Lagt fram til kynningar bréf frá Umhverfisstofnun varðandi vottun starfsleyfishafa á fyrirtækjasíður.
Málsnúmer 1402074
18. SÍS aðalfundarboð 27.03.2014
Lagt fram aðalfundarboð frá Lánasjóði sveitarfélaga, 27. mars nk. Bæjarstjóri fer með umboð Vesturbyggðar á fundinum.
Málsnúmer 1403005
19. Menntamálanefnd beiðni um umsögn kaup ríkisins á Grímstöðum á Fjöllum mál nr.276
Fleira ekki gert. Fundi slitið kl. 19:30
Guðrún Eggertsdóttir boðaði forföll. Arnheiður Jónsdóttir mætti í hennar stað.