Fundur haldinn í Aðalstræti 63, Patreksfirði, 9. október 2013 og hófst hann kl. 17:00
Fundargerð ritaði
- Ásthildur Sturludóttir bæjarstjóri
Almenn erindi
1. Byggðakvóti fiskveiðiársins 2013-2014
Lagt fram bréf frá Atvinnuvegaráðuneyti varðandi byggðakvóta fiskveiðiársins 2013-2014.
Vesturbyggð hefur þegar sent inn umsókn vegna byggðakvóta fiskveiðiársins 2013-2014.
Málsnúmer 1309024 2
2. Leikskólar Vesturbyggðar
Bæjarstjóri upplýsti um stöðu verkefna á Leikskólanum Arakletti.
Bæjarstjóra falið að auglýsa eftir leikskólakennurum fyrir Patreksfjörð og Bíldudal í samráði við leikskólastjóra.
Málsnúmer 1310015
4. Breytingar á samþykktum Fjórðungssambandsins
Lögð fram drög að breytingum á samþykktum Fjórðungssambands Vestfirðinga til kynningar.
Málsnúmer 1310013
5. Mennta-og menningarmálaráðuneyti fyrirkomulag og framkvæmd sérfræðiþjónustu
Lagt fram bréf frá mennta-og menningarmálaráðuneyti um fyrirkomulag og framkvæmd sérfræðiþjónustu í skólum. Vesturbyggð lenti í úrtaki ráðuneytisins og mun úttekt á framkvæmd sérfræðiþjónustu fara fram í nóvember.
Málsnúmer 1309060
6. Menntamálanefnd beiðni um umsögn leikskólar að loknu fæðingarorlofi mél nr.37
Lögð fram beiðni frá menntamálanefnd Alþingis varðandi umsögn um þingsályktunartillögu um leikskóla að loknu fæðingarorlofi.
Bæjarráð Vesturbyggðar fagnar tillögunni enda er nauðsynlegt að hefja umræðu um hvað taki við að fæðingarorlofi loknu. Nauðsynlegt er að skilgreina þjónustu þessa sem hluta af grunnþjónustu sveitarfélaga sem 1. skólastigið.
Málsnúmer 1309064
7. Fjárlaganefnd fundir sveitarstjórna vegna 2014 fundardagar 28-29.okt.2013
Lagt fram bréf frá Fjárlaganefnd Alþingis þar sem sveitarstjórnum er boðið til fundar með nefndinni. Fundur Vesturbyggðar með nefndinni verður 29. október.
Málsnúmer 1310002
8. FÁBBR varðar geymslupláss fyrir gamla báta
Lögð fram fram styrkbeiðni frá Félagi áhugamanna um bátasafn Breiðafjarðar vegna geymsluaðstöðu í Straumneshúsi á Patreksfirði. Bæjarráð samþykkir erindið.
Málsnúmer 1310007
9. Landsbyggðin lifi umsókn um styrk
Lögð fram umsókn um styrk frá Landsbyggðin lifi.
Bæjarráð Vesturbyggðar sér sér ekki fært um að styðja við verkefnið að þessu sinni.
Málsnúmer 1310009
10. Styrkur vegna þjóðbúninganámskeiðs frá Þjóðbúningafélaginu Auði.
Ásthildur Sturludótttir og Ásdís Snót Guðmundsdóttir véku af fundi.
Lögð fram styrkumsókn frá Þjóðbúningafélaginu Auði á sunnanverðum Vestfjörðum vegna þjóðbúningnámskeiða í Vesturbyggð. Bæjarráð Vesturbyggðar fagnar frumkvæði kvenna að hefja veg þjóðbúninga íslenskra kvenna og karla til vegs og virðingar í Vesturbyggð. Bæjarráð samþykkir að styrkja Þjóðbúningafélagið Auði um 60 þúsund krónur.
Málsnúmer 1309051
11. EBE styrkumsókn vegna kortagerðar
Lagt fram bréf frá Elfu Björgu Einarsdóttur þar sem sótt er um styrk til kortagerðar af Barðaströnd.
Bæjarráð samþykkir 150 þúsund króna styrk til verkefnisins.
Málsnúmer 1309065
13. Beiðni um umsögn vegna sölu á jörðinni Seftjörn
Lagt fram bréf frá Einari Birki Einarssyni fh. Einars Guðmundssonar og Bríetar Böðvarsdóttur, ábúenda á Seftjörn á Barðaströnd þar sem óskað er eftir endurnýjum á umsögn bæjarstjórnar Vesturbyggðar vegna fyrirhugaðrar sölu ríkisins á jörðinni til ábúenda, sbr. lög nr. 81/2004, gr. 36.
Bæjarstjórn Vesturbyggðar mælir með sölu jarðarinnar til ábúenda.
Málsnúmer 1309027
14. Sala á neðri hæð að Urðargötu 23 tilboð
Bæjarstjóri vék af fundi.
Bæjarráð samþykkir að fresta sölu íbúðarinnar um ótiltekinn tíma vegna óljósra ákvæða um forkaupsrétt og hafnar framkomnum tilboðum.
Málsnúmer 1306029 4
15. Embætti skipulagsfulltrúa.
Lagt fram minnisblað frá Landmótun.
Bæjarráð samþykkir að fela Landmótun að sjá um verkefni skipulagsfulltrúa fyrir Vesturbyggð skv. framlögðu minnisblað. Bæjarstjóra falið að ganga frá samningum við Landmótun í samræmi við framlagt minnisblað um 8 til 10 fundi á ári og tilkynna breytingar á skipulagsfulltrúa til Skipulagsstofnunar.
Málsnúmer 1309019
16. Ráðningarmál - forstöðumaður tæknideildar.
Lagðar fram til kynningar umsóknir um embætti byggingarfulltrúa og forstöðumanns tæknideildar.
10 einstaklingar sóttu um embættið.
Attentus mannauður og ráðgjöf mun meta umsóknirnar og sjá um viðtöl við umsækjendur.
Málsnúmer 1308057 4
17. Velferðarráðuneytið áform um sameiningu heilbrigðisstofnana
Lagt fram bréf frá Velferðarráðuneytinu dagsett 25. september 2013 varðandi áform um sameiningu heilbrigðisstofnana innan heilbrigðisumdæma þar sem tilkynnt er um fyrirhugaða sameiningu Heilbrigðisstofnunarinnar á Patreksfirði við Heilbrigðisstofnun Vestfjarða á Ísafirði.
Bæjarráð Vesturbyggðar mótmælir harðlega boðuðum sameiningum heilbrigðisstofnana sem veikja enn frekar grunnstoðir samfélaganna allt í kringum landið og minnka öryggi íbúa. Bæjarráð Vesturbyggðar bendir auk þess á að útilokað er að eiga faglegt samstarf við Heilbrigðisstofnunina á Ísafirði 9 mánuði á ári vegna samgönguleysis, allt eins væri hægt að vera í samstarfi við Fjórðungssjúkrahúsið í Neskaupsstað eða á Akureyri.
Boðuð sameining er einungis til þess fallin að auka enn á einhæfni í atvinnulífi á svæðinu og fækka atvinnutækifærum í heimabyggð. Í ljósi fyrirheita núverandi ríkisstjórnar um eflingu byggða, þá er rétt að benda á mikilvægt hlutverk hins opinbera við að halda úti þjónustu í nærsamfélaginu. Erfitt er að sjá hverju slík sameining á að skila, öðru en fækkun starfa í viðkvæmu samfélagi. Bæjarráð Vesturbyggðar hafnar því alfarið öllum hugmyndum um sameiningu Heilbrigðisstofnunarinnar á Patreksfirði og Heilbrigðisstofnunarinnar á Ísafirði en ítrekar fyrri boð og erindi til heilbrigðisráðherra, dagsettu 29. júlí 2013 þar sem óskað er eftir viðræðum um endurbætur á HSP og yfirtöku sveitarfélagsins á rekstri stofnunarinnar.
Með yfirtöku sveitarfélagsins á rekstri heilbrigðisþjónustu á sunnanverðum Vestfjörðum skapast mörg tækifæri í samþættingu þjónustu við íbúa í samstarfi við Félagsþjónustu Vestur-Barðastrandarsýslu. Möguleiki er á að auka þjónustustigið og efla faglegt starf með sérhæfðu starfsfólki þar sem horft er heildstætt á hvert mál fyrir sig þar sem heilsugæsla og félagsþjónusta vinna saman að bestu lausn mála.
Bæjarráð Vesturbyggðar ítrekar mikilvægi þess að Velferðaráðuneytið hefji nú þegar undirbúning að brýnum endurbótum á aðstöðu á Heilbrigðisstofnuninni á Patreksfirði og lýsir sig jafnframt reiðubúið til að hefja viðræður um yfirtöku á rekstrinum.
Málsnúmer 1310001 2
18. Rekstur og fjárhagsstaða 2013.
19. Fjárhagsáætlun 2014.
Lögð fram drög að gjaldskrám vegna fjárhagsáætlunar 2014.
Lögð fram drög sérgreindum verkefnum deilda vegna fjárhagsáætlunar 2014.
Samþykkt að útsvar verði óbreytt eða 14,48%.
Málsnúmer 1308059 14
Fundargerðir til kynningar
21. Fjórðungssambandið fundargerðir stjórnar 1608 og 0609.2013
Lagðar fram til kynningar fundargerðir stjórnar Fjórðungssambands Vestfjarða frá 16/8 og 6/9 2013.
Málsnúmer 1309031
22. BsVest fundargerð stjórnar 06.09.2013
Til kynningar
20. Fjs. uppgjör á staðgreiðslu v.2012
Lagt fram til kynningar bréf frá Fjársýslunni varðandi uppgjör á staðgreiðslu 2012.
Málsnúmer 1309066
Fleira ekki gert. Fundi slitið kl. 19:00