Verkstjóri þjónustustöð Patreksfirði
Vegagerðin auglýsir starf verkstjóra við þjónustustöðina á Patreksfirði laust til umsóknar. Starfshlutfall er 100%
Skrifað: 13. september 2024
Þjónustustöð sér um almenna þjónustu og viðhald vega og vegbúnaðar á svæðinu. Verkstjóri hefur umsjón og eftirlit með verkefnum á þjónustustöðinni og sér til þess að þau séu unnin í samræmi við áætlanir og öryggisstefnu Vegagerðarinnar. Verkstjóri er staðgengill yfirverkstjóra.
Helstu verkefni og ábyrgð
- Er staðgengill yfirverkstjóra
- Gætir að öryggi starfsfólks þjónustustöðvar og vegfaranda á vinnusvæðum og fylgir öryggisreglum þar að lútandi
- Almenn þjónusta, eftirlit og verkstjórn í viðhaldi vega og vegbúnaðar á svæði þjónustustöðvarinnar
- Eftirlit í vetrarþjónustu með færð á vegum, upplýsingagjöf og stjórnun snjómoksturs í samvinnu við yfirverkstjóra og vaktstöð Vegagerðarinnar
- Aðstoðar við umferðarþjónustu, birgðahald og uppgjör
- Samskipti og eftirlit með verktökum
- Vinnur bakvaktir í vetrarþjónustu og er aðgengilegur ef þörf skapast, s.s. vegna veðurs, náttúruhamfara og slysa
Hæfniskröfur
- Almennt grunnnám, iðnmenntun æskileg
- Reynsla af stjórnun æskileg
- Verkstjórnarnámskeið eða sambærilegt er æskilegt
- Meirapróf og/eða vinnuvélaréttindi æskilegt
- Starfsreynsla sem nýtist í starfi
- Góð íslenskukunnátta
- Góð enskukunnátta æskileg
- Góð tölvukunnátta
- Framúrskarandi hæfni í mannlegum samskiptum
- Frumkvæði og hæfni til að vinna sjálfstætt sem og í hóp
- Góð öryggisvitund
Umsóknarfrestur er til og með 27. september 2024
Laun samkvæmt gildandi kjarasamningi sem fjármála- og efnahagsráðherra og Verkstjórafélag Vestfjarða hafa gert. Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.
Áhugasamir einstaklingar, óháð kyni, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir. Tekið skal fram að umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.
Nánari upplýsingar veitir Bríet Arnardóttir, briet.arnardottir@vegagerdin.is, sími 522 1000.