Hjallar 24, grenndarkynning
Á 82. fundi skipulags- og umhverfisráðs Vesturbyggðar 11. mars sl., var samþykkt að grenndarkynna byggingaráform í samræmi við 44. gr. skipulagslaga nr. 123/2010. Óskað er eftir að fá að reisa 241,6 m2 einbýlishús við Hjalla 24 Patreksfirði. Svæðið er skilgreint sem íbúðarsvæði skv. gildandi aðalskipulagi Vesturbyggðar.
Skrifað: 18. mars 2021
Meðfylgjandi eru kynningargögn þar sem sjá má áformin á afstöðumynd og útlitsteikningum. Uppdrættir eru einnig til sýnis í Ráðhúsi Vesturbyggðar að Aðalstræti 75.
Að lokinni kynningu er umsækjanda heimilt að senda inn byggingarteikningar og fær byggingarleyfi standist gögn reglugerð. Þeir sem telja sig eiga hagsmuna að gæta er hér með gefinn kostur á að gera athugasemdir við áformin. Frestur til að senda athugasemdir er frá 18. mars til og með 15. apríl 2021.
Skila skal athugasemdum á bæjarskrifstofur Vesturbyggðar, Aðalstræti 75, eða rafrænt á vesturbyggd@vesturbyggd.is merkt „Hjallar 24“ .
Ef frekari upplýsinga er óskað má hafa samband við Elfar Stein Karlsson, byggingarfulltrúa Vesturbyggðar á netfangið elfar@vesturbyggd.is eða í síma 849 7909.
Heimilt er að stytta tímabil grenndarkynningar hljótist undirritað samþykki íbúa fyrir áformunum, skv. 3. mgr., 44. gr. Skipulagslaga nr. 123/2010.
Kynningarbréf fá eigendur fasteignanna að Hjöllum 19, 20, 21, 23, 25, 26 og Brunnum 19, 21, 23 og 25.
Virðingarfyllst
Skipulagsfulltrúi Vesturbyggðar
