Fundur haldinn í Aðalstræti 63, Patreksfirði, 14. desember 2017 og hófst hann kl. 16:00
Fundargerð ritaði
- Elfar Steinn Karlsson forstöðum. tæknideildar
Almenn erindi
1. Sýslumaðurinn á Vestfjörðum, Umsagnarbeiðni - Stekkaból.
Lagt fram bréf frá Sýslumanninum á Vestfjörðum með ósk um umsögn um útgáfu gistileyfis með áfengisvetingum í flokki IV fyrir Stekkaból ehf. að Stekkum 19, 450 Patreksfirði, dags. 30.11.2017.
Skipulags- og umhverfisráð veitir jákvæða umsögn um veitingu gistileyfis með áfengisveitingum með fyrirvara um fullnægjandi teikningar.
Málsnúmer 1711034
2. Ævar Guðmundsson - framkvæmdir á kambinum Bíldudal.
Erindi vísað frá 820.fundi bæjarráðs Vesturbyggðar sem haldinn var 21.11.2017, þar bókaði bæjarráð eftirfarandi undir 4.lið fundarins:
Lagt fram bréf dags. 8. nóvember sl. frá Ævari Guðmundssyni eiganda íbúðarhúsnæðisins við Hafnarbraut 14, Bíldudal þar sem hann mótmælir fyrirhugaðri staðsetningu á sorpflokkunarstöð á kambinum fyrir framan húsnæði hans á Bíldudal.
Bæjarráð vísar erindinu til skipulags- og umhverfisráðs.
Skipulags- og umhverfisráð bókaði eftirfarandi um staðsetningu flokkunarkráarinnar á 34.fundi sínum þann 15.05.2017 undir 5.lið fundarins:
Lögð fram beiðni frá bæjarstjóra Vesturbyggðar með ósk um að skipulags- og umhverfisráð leggi til nýja staðsetningu fyrir flokkunarkrá á Bíldudal.
Skipulags- og umhverfisráð leggur til svæði neðan Hafnarbrautar 12, neðan við veg.
Skipulags- og umhverfisráð felur skipulagsfulltrúa að undirbúa og láta fram fara grenndarkyningu á verkefninu í samræmi við umræður á fundinum.
Málsnúmer 1711020 2
3. Íslenska Kalkþörungafélagið. Umsókn um byggingarleyfi fyrir raðhúsi.
Erindi frá Einari Sveini Ólafssyni f.h. íslenska Kalkþörungafélagsins hf. Í erindinu er sótt um byggingarleyfi fyrir 8 smáíbúðum að Tjarnarbraut 15, 465 Bíldudal. Erindinu fylgja aðaluppdrættir unnir af Togson, dags. 01.12.2017.
Ekki liggur fyrir deiliskipulag af svæðinu, skipulags- og umhverfisráð samþykkir erindið með fyrirvara um grenndarkynningu og felur skipulagsfulltrúa að grenndarkynna framkvæmdina.
Málsnúmer 1712016 2
4. Umsókn um byggingarleyfi. Bílskúr við Brunna 5.
Erindi frá Siggeir Guðnasyni. Í erindinu er sótt um byggingarleyfi fyrir bílskúr og þvottahúsi við Brunna 5, 450 Patreksfirði. heildarstækkun er um 72m2. Erindinu fylgja aðalupdrættir unnir af teiknistofu Ginga, dags. 1.des 2017.
Skipulags- og umhverfisráð telur ekki þörf á grenndarkynningu fyrir viðbyggingunni, hún er ekki talin trufla útsýni og er í samræmi við fyrirkomulag nærliggjandi lóða og samskonar viðbygging og áætlað er að byggja er við Brunna 3.
Skipulags- og umhverfisráð samþykkir erindið og felur byggingarfulltrúa útgáfu byggingarleyfis.
Málsnúmer 1712025
5. Fyrirspurn. Landnýting í landi Litlu-Eyrar.
Lagt fram til kynningar fyrirspurn Hannesar Bjarnasonar um mögulegar staðsetningar iðnaðarlóða í Landi Litlu-Eyrar.
Málsnúmer 1712026
6. Tjarnarbraut 3, Bíldudal. Ósk um leyfi til að gera bílastæði.
Erindi frá Vesturbyggð. Í erindinu er sótt um leyfi til að útbúa bílastæði neðan við Tjarnarbraut 3, Bíldudal. Erindinu fylgir teikning er sýnir fyrirkomulag bílastæðanna.
Skipulags- og umhverfisráð samþykkir erindið.
Málsnúmer 1712029
Fleira ekki gert. Fundi slitið kl. 17:50