Fundur haldinn í Aðalstræti 63, Patreksfirði, 6. apríl 2017 og hófst hann kl. 16:00
Fundargerð ritaði
- Elfar Steinn Karlsson forstöðum. tæknideildar
Almenn erindi
1. Fyrirspurn, Iðngarðar hafnarsvæði.
Tekið fyrir öðru sinni erindi frá Ginga teiknistofu f.h. Jóns Árnasonar. Skipulags- og umhverfisráð hafnaði erindinu á 22.fundi sínum þann 23.05.2016 á grundvelli þess að nýting svæðisins væri ónæg.
Nú hefur umsækjandi skilað inn nýrri tillögu með aukinni nýtingu á svæðinu, sótt er um að sameina tvær lóðir á Vatneyri og byggja þar svokallaða Iðngarða. Erindinu fylgir snið og afstöðumynd, unnin af Ginga teiknistofu dags. 8.mars 2017.
Skipulags- og umhverfisráð tekur jákvætt í erindið en bendir á að nýtingarhlutfall lóðar mætti vera meira og bendir á stækkun í SA inn á svæði merkt bílastæði sem möguleika. Skipulags- og umhverfisráð beinir erindinu áfram til hafnarstjórnar Vesturbyggðar.
Málsnúmer 1605039 3
2. SH umsókn um lóð
Erindi frá Sigurbirni Halldórssyni. Í erindinu er sótt um byggingarlóðina að Arnarbakka 5, Bíldudal til byggingar íbúðarhúsnæðis.
Skipulags- og umhverfisráð tekur jákvætt í erindið og leggur til við bæjarstjórn að lóðinni verði úthlutað til umsækjenda.
Málsnúmer 1704004
Til kynningar
3. Græn skref - umhverfisvottun Vestfjarða.
Lína Björg Tryggvadóttir verkefnisstjóri hjá Fjórðungssambandi Vestfirðinga kom inn á fundinn og kynnti verkefnið Græn skref. Verkefnið snýst um að efla vistvænan rekstur í starfsemi sveitarfélagsins og minnka umhverfisáhrif sveitarfélagsins í fjórum skrefum.
Skipulags- og umhverfisráð þakkar Línu Björg fyrir góða kynningu og leggur til við bæjarstjórn Vesturbyggðar að þær stofnanir sveitarfélagsins sem ekki eru þáttakendur í álíka verkefnum verði hvattar til að taka þátt í Grænum skrefum í tengslum við verkefnið umhverfisvottaðir Vestfirðir, en grunn- og leikskólar Vesturbyggðar hafa verið þáttakendur í grænfána verkefni Landverndar undanfarin ár sem og hafnir Vesturbyggðar þáttakendur í bláfána verkefni Landverndar. Ennfremur leggur skipulags- og umhverfisráð til við bæjarstjórn að tilnefndur verði ábyrgðaraðili innan sveitarfélagsins til að fylgja verkefninu eftir.
Málsnúmer 1704013 2
Fleira ekki gert. Fundi slitið kl. 16:40