Málsnúmer 2206039
28. júní 2022 – Bæjarráð
Tekið fyrir til kynningar erindi Eftirlitsnefndar um fjármál sveitarfélaga (EFS) dags. 22. júní 2022. Í bréfinu vekur EFS athygli á því að samkvæmt ársreikningi fyrir árið 2021 uppfyllir sveitarfélagið ekki öll lágmarksviðmið nefndarinnar í A- hluta.
Vesturbyggð uppfyllir öll lágmarksviðmið fyrir A- og B-hluta en fyrir A-hluta er rekstrarniðurstaða neikvæð. Jafnframt ætti framlegð sem hlutfall af tekjum að vera 9,4% fyrir A-hluta miðað við 94% skuldaviðmið. Framlegðin samkvæmt ársreikningi 2021 er 6,4% sem er aðeins fyrir neðan lágmarksviðmið nefndarinnar. Aftur á móti er veltufé frá rekstri fyrir ofan lágmarksviðmið í bæði A-hluta og A- og B-hluta.
Bréfið er almennt bréf sem sent var til allra sveitarfélaga sem uppfylltu ekki eitthvað af þeim lágmarksviðmiðum sem EFS hefur sett sér.
Ekki er óskað eftir viðbrögðum við bréfinu.