Málsnúmer 2112020
25. janúar 2022 – Bæjarráð
Lagður fram viðauki við samning um skólaakstur í Vesturbyggð. Núverandi bifreið sem sinnir skólaakstri fyrir leik- og grunnskólabörn á Barðaströnd er orðin of lítil vegna þeirrar jákvæðu þróunar að börnum hefur fjölgað verulega á Barðaströnd sem sækja skólaþjónustu á Patreksfirði. Viðaukinn verður hluti af samningi við núverandi rekstraraðila sem undirritaður var 17. ágúst 2018. Í viðaukanum er kveðið á um hækkun á hvern ekinn kílómeter í samræmi við stækkun bifreiðarinnar.
Bæjarráð staðfestir viðaukann og vísar honum til staðfestingar bæjarstjórnar.
16. febrúar 2022 – Bæjarstjórn
Lagður fram viðauki við samning um skólaakstur í Vesturbyggð. Núverandi bifreið sem sinnir skólaakstri fyrir leik- og grunnskólabörn á Barðaströnd er orðinn of lítil vegna þeirrar jákvæðu þróunnar að börnum hefur fjölgað verulega á Barðaströnd, sem sækja skólaþjónustu á Patreksfjörð. Viðaukinn verður hluti af samningi við núverandi rekstraraðila sem undirritaður var 17. ágúst 2018. Í viðaukanum er kveðið á um hækkun á hvern ekinn kílómeter í samræmi við stækkun bifreiðarinnar.
Til másls tóku: Forseti.
Bæjarstjórn staðfestir viðaukann og felur bæjarstjóra að undirrita hann fyrir hönd Vesturbyggðar.