Málsnúmer 2009001
31. ágúst 2020 – Fjallskilanefnd Vesturbyggðar og Tálknafjarðar
Umræða um eyðijarðir og aðkomu landeigenda ekki eru með búskap eða fé að leitum. Ákveðið að það mál verði á dagskrá á fundi fjallskilanefndar eftir að smalamennsku 2020 verði lokið.
2. desember 2020 – Fjallskilanefnd Vesturbyggðar og Tálknafjarðar
Rætt var um þau landsvæði sem fallið geta undir 41. gr. laga um afréttarmálefni, fjallskil o.fl. nr. 6/1986, þar sem segir að ef sveitarfélag eða verulegur hluti þess fellur úr byggð skuli stjórn fjallskilaumdæmis sjá um, að fjallskil séu framkvæmd á eyðilöndum.
Fjallskilanefnd leggur til að unnið verði kort sem sýni þau landsvæði sem um ræðir og fallið hafa úr byggð. Kortið verði kynnt á heimasíðu sveitarfélaganna og kallað verði eftir tillögum og ábendingum um mörk eyðilanda.