Málsnúmer 1902022
12. febrúar 2019 – Bæjarráð
Lögð fram beiðni Kristjáns Arasonar, sóknarprests Patreksfjarðarprestakalls og Margrétar Bóasdóttur, söngmálastjóra Þjóðkirkjunnar um styrk að fjárhæð 60.000 kr. vegna tónleika í Tálknafjarðarkirkju þann 24. febrúar nk. Á tónleikunum munu koma fram Jazztríó Jóns Rafnssonar ásamt sameiginlegum kirkjukórum Tálknafjarðar, Bíldudals og Patreksfjarðar. Bæjarráð tekur jákvætt í erindið og tekur undir það með bréfriturum að kirkjukórarnir vinna ómetanlegt starf í þágu samfélags, menningar og kirkjulífs í sveitarfélaginu. Bæjarráð samþykkir að veita 60.000 kr. styrk til verkefnisins.