Málsnúmer 1707008
11. júlí 2017 – Bæjarráð
Lagt fram tölvubréf dags. 28. júní sl. frá Umhverfisstofnun ásamt fylgiskjölum með tillögum að starfsleyfi fyrir Artic Sea Farm ehf til framleiðslu á allt að 6.800 tonnum á ári af laxi í Patreksfirði. Athugasemdafrestur er til 25. ágúst 2017.
Lagt fram til kynningar. Bæjarráð vísar erindinu til atvinnu- og menningarráðs.
30. ágúst 2017 – Atvinnu og menningarráð
Lögð fram tillaga frá Umhverfisstofnun að starfsleyfi fyrir Arctic Sea farm ehf. fyrir framleiðslu á allt að 6.800 tonnum af laxi á ári í sjókvíum í Tálknafirði og Patreksfirði.
Atvinnu- og menningarráð gerir ekki athugasemd við tillöguna en hvetur stjórnvöld til að móta heildræna stefnu í fiskeldi sem felur í sér eftirlit og aukna tiltrú á greininni. Nefndin leggur jafnframt áherslu á að eftirlit sé virkt og sýnilegt og starfstöðvar eftirlitsins séu staðsettar á svæðinu. Mikilvægt er að starfsemin sé unnin í sátt við aðrar atvinnugreinar á svæðinu.
Bókunin lögð fram til samþykktar, fjórir meðmæltir, Víðir Guðbjartsson greiðir atkvæði á móti.