Málsnúmer 1701004
Skráðu netfangið þitt og við sendum tilkynningu ef það er skráð fundargerð með þessu málsnúmeri.
18. janúar 2017 – Hafnarstjórn
Lagt fram tölvubréf dags. 5. janúar sl. frá Arnarlaxi með beiðni um heimild fyrir því að fyrirtækið fái af og til að geyma flothringi í sjónum innan við Vatneyri á Patreksfirði, á tilteknu afmörkuðu svæði, sbr. meðfylgandi loftmynd. Hafnarstjórn hafnar erindinu á þeim forsendum að umrætt svæði er ankerislægi í alþjóðlegum siglingakortum og bendir á að önnur svæði innar í Patreksfirði geti hentað betur. Hafnarstjórn óskar eftir að því að fyrirtækið komi með tillögu um aðra staðsetningu.
Lagt fram tölvubréf dags. 17. janúar sl. frá Arnarlaxi með beiðni um heimild fyrir því að fyrirtækið fái af og til að geyma flothringi í sjónum á Bíldudalsvogi, á tilteknu afmörkuðu svæði innan við Haganes, sbr. meðfylgjandi loftmynd. Hafnarstjórn samþykkir erindið fyrir sitt leyti.
Hafnarstjórn bendir ennfremur á að allir hringir skuli vera merktir til að tryggja öryggi sjófarenda.