Málsnúmer 1405047
30. júní 2014 – Skipulags og umhverfisráð
Tekin fyrir tillaga að útfærslu á breytingu á Sigtúni í vistgötu skv. tillögu Landmótunar dags. 25. júní 2014. Um er að ræða þrengingar á nokkrum stöðum frá Hjöllum að enda Sigtúns. Tillagan kynnt.
Skipulags- og umhverfisráð óskar eftir tillögu af færanlegum hraðahindrunum og felur skipulagsfulltrúa að vinna málið áfram í samræmi við umræður á fundinum.
21. maí 2014 – Skipulags- og byggingarnefnd
Erindi frá íbúum Sigtúns 1, 4 og 13. Óskað er leyfis til að setja upp körfuboltaspjald í botnlanga götunnar. Einnig óska íbúar þess að þess hluti götunnar verði gerður að vistgötu.
Skipulags- og byggingarnefnd tekur jákvætt í erindið og samþykkir uppsetningu körfuboltaspjalds, að höfðu samráði við tæknideild Vesturbyggðar. Einnig leggur nefndin til að skipulagsfulltrúi vinni áfram varðandi útfærslu götunnar sem vistgötu og skoði umferðaröryggisþátt niður fyrir Brunna.