Fundur haldinn í Svörtuloftum, fundarsal í Ráðhúsi Vesturbyggðar, 13. maí 2019 og hófst hann kl. 16:30
Fundinn sátu
- Guðrún A. Finnbogadóttir (GAF) aðalmaður
- Jörundur Garðarsson (JG) aðalmaður
- Magnús Jónsson (MJ) aðalmaður
- Valgerður Ingvadóttir (VI) aðalmaður
Fundargerð ritaði
- Elfar Steinn Karlsson Hafnarstjóri
Almenn mál
1. Umsók um stöðuleyfi fyrir aðstöðugám á ytri höfn (króknum) Patreksfirði
Erindi frá Arctic Fish Farm hf. Í erindinu er sótt um stöðuleyfi fyrir 12 feta gám við trébryggjuna í Patrekshöfn. Gámurinn er ætlaður sem aðstöðugámur fyrir mannskap sem kemur til með að þjónusta laxeldi í firðinum. Erindinu fylgir afstöðumynd er sýnir umbeðna staðsetningu.
Hafna- og atvinnumálaráð samþykkir að veita stöðuleyfi til eins árs. Gáminn skal setja niður í samráði við hafnaryfirvöld.
Málsnúmer 1904091
2. Vélaverkstæði Patreksfjarðar. Umsókn um stöðuleyfi
Erindi frá Vélaverkstæði Patreksfjarðar ehf. Í erindinu er sótt um stöðuleyfi fyrir gám við verkstæði fyrirtækisns á Vatneyri. Svæðið sem um ræðir er utan við bílastæði sem Akstur og Köfun ehf hefur haft til umráða. Erindinu fylgir afstöðumynd er sýnir umbeðna staðsetningu.
Hafna- og atvinnumálaráð samþykkir stöðuleyfi fyrir gáminn í 6 mánuði meðan unnið er að uppsetningu nýs gámasvæðis við Patrekshöfn.
Málsnúmer 1905019
3. Framkvæmdaleyfi - lagnaleið Strandgötu Bíldudal
Erindi frá Guðmundi V. Magnússyni f.h. Arnarlax hf. Í erindinu er sótt um framkvæmdarleyfi vegna dælulagnar sem flytja á frárennsli frá sláturhúsi fyrirtækisins að Strandgötu 1 til Strandgötu 10-12 til hreinsunar. Sótt er um breytta legu lagnar sem samþykkt var á fundi hafna- og atvinnumálaráðs þann 19.11.2018. Sótt er um að færa lögnina aftur upp fyrir Strandgötu á Bíldudal.
Hafna- og atvinnumálaráð samþykkir veitingu framkvæmdaleyfis. Framkvæmdasvæðinu skal skilað í sama ástandi og áður en framkvæmdir hófust.
Málsnúmer 1905025 2
4. Strandgata 1A. Ósk um heimild til veðsetningar
Lagt fyrir erindi dags. 16. apríl 2019 frá Halldóri Gunnlaugssyni, fjármálastjóra Arnarlax um heimild til veðsetningar Strandgötu 1A á Bíldudal. Samkvæmt lóðarleigusamningi dags. 12. maí 2018 er óheimilt að veðsetja leigurétt einan sér eða með þeim húsum eða öðrum mannvirkjum sem á lóðinni eru. Þá er samkvæmt samkomulagi Vesturbyggðar og Arnarlax í tilefni af framkvæmdum við viðbyggingu að Strandgötu 1, dags. 12. maí 2018 þinglýstri kvöð á eigninni að um afturkræfa framkvæmd er að ræða.
Hafna- og atvinnumálaráð vísar til bókana skipulags- og umhverfisráðs frá 19. júlí 2017 og bókunar hafnarstjórnar Vesturbyggðar 22. ágúst 2017 þar sem skilyrði fyrir framkvæmdinni er að hún sé afturkræf á kostnað Arnarlax. Með vísan til þinglýstra kvaða á lóðinni og 11. gr. lóðaleigusamnings um Strandgötu 1, er beiðni Arnarlax um veðleyfi hafnað.
Málsnúmer 1904075
5. Arnarlax. Boð á kynningu á starfsemi Hordafor.
Lagt fram til kynningar boð Arnarlax um kynningu á starfsemi Hordafor, en Hordafor sérhæfir sig í meltukerfum. Kynningin verður haldin á skrifstofu Arnarlax miðvikudaginn 15. maí kl. 14:00.
Málsnúmer 1905007 2
6. Styrkur með auglýsingur í blaðinu Kompás - Útskriftarnemar Skipstjónrarskólans
Tekið fyrir erindi Kompás útskriftarfélags Stýrimannaskólans um auglýsingasamning fyrir útskriftarblað 2019 sem kemur út í maí.
Hafna- og atvinnumálaráð samþykkir styrk að upphæð 25.000kr.
Málsnúmer 1904007
Fundargerðir til kynningar
7. Fundargerð nr. 412. - Stjórn Hafnasambands Íslands.
8. Fundargerð nr. 10 - 13 siglingaráðs - Hafnasamband Íslands
Fleira ekki gert. Fundi slitið kl. 18:03