Fundur haldinn í Aðalstræti 63, Patreksfirði, 10. október 2017 og hófst hann kl. 16:00
Fundargerð ritaði
- Gerður Björk Sveinsdóttir formaður
Almenn erindi
1. Úthlutunarreglur styrkja vegna akstur barna í Vesturbyggð.
Verið er að aka tveimur leikskólabörnum af Barðaströnd í leikskóla á Patreksfirði í dag. Gerðir hafa verið tímabundnir samningar um greiðslu akstursstyrkja. Reglur um úthlutun styrkja vegna aksturs barna í Vesturbyggð eru í mótun.
Málsnúmer 1705076 5
2. Fjárhagsáætlun 2018.
Vinnuferill við gerð fjárhagsáætlunar lagðar fram til kynningar. Fræðslu- og æskulýðsráð óskar eftir því að fá sérgreindar beiðnir er varða fræðslu og æskulýðsmál lagðar fram til kynningar á næsta fundi ráðsins.
Málsnúmer 1708020 20
3. Reglur leikskóla Vesturbyggðar
Drög að endurskoðuðum reglum fyrir leikskóla í Vesturbyggð lagðar fram til kynningar. Afgreiðslu frestað til næsta fundar ráðsins.
Málsnúmer 1710002
4. Þátttaka íbúa í Vesturbyggð.
Farið var yfir minnisblað sem lagt var fyrir nefndina þar sem atriði sem komið hafa fram á íbúafundum voru tiltekin. Fræðslu- og æskulýðsráð vill leggja áheyrslu á að leiksvæði verði kláruð og skoðað verði hvort félagsmiðstöðin á Patreksfirði gæti verið opin t.d einu sinni í viku fyrir ungmenni á aldrinum 16-20 ára. Mikilvægt að atriði sem komið hafi fram á íbúafundum verði höfð til hliðsjónar við gerð fjárhagsáætlunar.
Málsnúmer 1704039 3
5. Staða í upphafi skólaárs
Farið yfir stöðuna í upphafi skólaárs.
Fræðslu- og æskulýðsráð óskar eftir því við skólastjórendur og fræðslustjóra að unnin verði samstarfsáætlun skólanna og hún lögð fyrir Fræðslu- og æskulýðsráð.
Málsnúmer 1710007
6. Skólamál á Bíldudal
Ásdís Snót Guðmundsdóttir skólastjóri fór yfir stöðu skólamála á Bíldudal. Sameining Bíldudalsskóla og Tjarnarbrekku gengur vel það sem af er hausti. Ásdís gerir athugasemd við að ekki hafi verið farið í áætlaðar framkvæmdir við Tjarnarbrekku sem gert hafði verið ráð fyrir að fara í skv. fjárhagsáætlun. Ásdís bendir jafnframt á að brýnt er að bæta úr umferðaröryggi barna á Bíldudal til og frá skóla, eins er bent á að börnin þurfa að fara yfir hættulegan veg til að komast í mötuneyti skólans. Ráðið tekur undir áhyggjur Ásdísar og leggur til við bæjarstjórn að bætt verði úr án tafar.
Málsnúmer 1704021 3
7. Starfsáætlun Arakletts skólaárið 2017-2018.
Drög að starfsáætlun Arakletts skólaárið 2017-2018 lögð fram til kynningar. Hallveig Ingimarsdóttir leikskólastjóri bendir á að laga þarf öryggismál í og við leikskólann.
Málsnúmer 1710006
8. Starfsáætlun Patreksskóla skólaárið 2017-2018.
9. Starfsáætlun Bíldudalsskóla og Tjarnarbrekku skólaárið 2017-2018
Til kynningar
10. Menntamálastofnun - skýrslur um ytra mat grunnskóla 2017.
Fleira ekki gert. Fundi slitið kl. 19:30