Fundur haldinn í Aðalstræti 63, Patreksfirði, 22. september 2015 og hófst hann kl. 16:00
Fundargerð ritaði
- Elsa Reimarsdóttir Frístundafulltrúi
Almenn erindi
1. Íþróttafulltrúi, kynning starfsmanns.
Páll Vilhjálmsson íþróttafulltrúi kynnti starf sitt sem íþróttafulltrúa HHF. Íþróttaskólinn hófst nú í haust á Bíldudal, Patreksfirði og Tálknafirði en starfið er ætlað börnum í 1.-4. bekk, hvar markmið er að börnin kynnist flestum greinum. Þrjá daga í viku er grunnþjálfun og boltaskóli tvisvar í viku. Páll sér um kennsluna á Bíldudal en Þorbjörg á Patreksfirði. Þátttaka í íþróttaskólanum er góð, en 83% barna taka þátt. Markmiðið er að öll börn á þessum aldri taki þátt. Með þessu starfi er börnum kennt að hreyfing er eðlilegur hluti af daglegu lífi. Páll er jafnframt framkvæmdastjóri HHF sem einkum felur í sér skipulag íþróttamóta og annað starf, ásamt daglegum rekstri, og er fulltrúi í SamVest. Í starfinu felst einnig aðstoð við aðildarfélög HHF. Samræming íþróttastarfs er hafin þar sem markmið er að gæði þjálfunar séu mikil og svipað starf í boði í öllum kjörnum auk þess sem um samæfingar hefur verið að ræða. Nú þegar keppa öll lið frá íþróttafélögum á svæðinu undir nafni HHF. Starf íþróttafulltrúa er í samstarfi við Tálknafjarðarhrepp.
Rætt um hvata til þess að auka enn frekar þátttöku í íþróttaskólanum, m.a. að barnasundkort gæti fylgt með skráningu í íþróttaskólann.
Málsnúmer 1509055
2. Ársskýrsla Leikskóla Vesturbyggðar
Helga Bjarnadóttir og Birna Jónsdóttir fluttu ársskýrslu Leikskóla Vesturbyggðar.
Fram komu ábendingar varðandi skólalóðina á Arakletti sem þarf að aðlaga að þörfum allra yngstu barnanna. Seinlega gengur að fá viðgerðir á leikskólalóðinni og tækjum. Fræðsluráð leggur áherslu á að öryggismál séu í lagi.
Málsnúmer 1509058
3. Valgreinar á unglingastigi
Nemendum í 8.-10. bekk stendur til boða meira val á þessu skólaári en verið hefur. Gústaf Gústafsson aðstoðarskólastjóri kynnti fyrirkomulag námsins fyrir nefndinni.
Málsnúmer 1509054
5. Lengd viðvera í Patreksskóla
Guðrún Anna Finnbogadóttir sendi erindi til fræðslunefndar vegna lengdrar viðveru í Patreksskóla og samanburð á gjaldskrám nokkurra sveitarfélaga. Guðrún Anna vék af fundi undir umræðum.
Fræðslu- og æskulýðsráð telur að taka þurfi gjaldskrá lengdrar viðveru til endurskoðunar og auka sveigjanleika dvalartíma. Jafnframt telur ráðið mikilvægt að koma á fót lengdri viðveru á Bíldudal sem allra fyrst.
Fræðslu- og æskulýðsráð vísar erindinu til umfjöllunar í bæjarráði.
Málsnúmer 1509064
6. Skólaþing sveitarfélaga á Vestfjörðum, 1. október 2015
Fulltrúar í fræðsluráði eru hvattir til þess að mæta á Skólaþingið sem haldið verður á Patreksfirði þann 1. október 2015.
Málsnúmer 1509053
8. Fulltrúi í Ungmennaráð Vesturbyggðar
Rætt var um að tengiliður Ungmennaráðs við Fræðslu og æskulýðsráð komi úr röðum nefndarmanna í Ungmennaráði. Vísað til næsta fundar Ungmennaráðs.
Málsnúmer 1509052
Til kynningar
Fleira ekki gert. Fundi slitið kl. 18:00
Guðrún Norðfjörð fulltrúi starfsmanna skóla sat fundinn undir liðunum 1.-5.