Fundur haldinn í Svörtuloftum, fundarsal í ráðhúsi Vesturbyggðar, 2. júní 2020 og hófst hann kl. 15:00
Nefndarmenn
- Ásgeir Sveinsson (ÁS) aðalmaður
- Iða Marsibil Jónsdóttir (IMJ) aðalmaður
- Þórkatla Soffía Ólafsdóttir (ÞSÓ) formaður
Starfsmenn
- Gerður Björk Sveinsdóttir (GBS) sviðsstjóri fjármála- og stjórnsýslusviðs
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslusviðs
Almenn erindi
1. Rekstur og fjárhagsstaða 2020
Sviðsstjóri fjármála- og stjórnsýslusviðs fór yfir stöðu rekstrar fyrir fyrstu fjóra mánuði ársins. Rekstrarniðurstaða miðað við tímabilið er jákvæð uppá 16 milljónir sem er heldur lakari niðurstaða en fjárhagsáætlun gerir ráð fyrir og munar þar mest um samdrátt í tekjum. Bæjarráð bendir á mikilvægi framlaga jöfnunarsjóðs til sveitarfélaga og mikilvægi þess að þau verði ekki skert. Sveitarfélagið reiðir sig á framlögin til að geta staðið undir lögbundnum verkefnum.
Málsnúmer 2005090 3
2. Fjárhagsáætlun 2021 - 2024
Lagðar fram reglur um fjárhagsáætlunarferlið 2020 vegna áætlunar 2021 - 2024 ásamt drögum að vinnudagsetningum.
Bæjarráð staðfestir reglurnar.
Málsnúmer 2005091 14
3. Efnisvinnsla - lagersvæði fyrir grjót.
Lagt fyrir erindi frá Hafnarstjóði Vesturbyggðar dags. 26. maí 2020 þar sem óskað er eftir leyfi til geymslu á grjóti sem Skering ehf. er að vinna úr námunni í taglinu á Bíldudal. Efni þetta er ætlað í fyrirhugaða landfyllingu sem til stendur að bjóða út síðsumars ásamt hafnarframkvæmdum við Bíldudalshöfn sem nú þegar hafa verið boðnar út. Erindinu fylgir umsögn frá Vegagerðinni og Heilbrigðiseftirliti Vestfjarða.
Óskað er eftir samþykki bæjarráðs fyrir afnotum af svæðinu, svæðið er malarholt.
Bæjarráð samþykkir erindið.
Málsnúmer 2005083
4. Fjöruhreinsun Rauðasandur 2020
Lagður fyrir til tölvupóstur dags. 22. maí sl. frá Umhverfisstofun þar sem athygli er vakin á fjöruhreinsun á Rauðasandi sem fram fer 6. júlí nk. Jafnframt er óskað eftir áframhaldandi samtarfi við Vesturbyggð en framlag sveitarfélagsins hefur m.a. verið í formi greiðslu fyrir gám og veitingar fyrir sjálfboðaliða. Bæjarráð samþykkir erindið og hvetur íbúa og aðra áhugasama til að taka þátt í hreinsuninni.
Málsnúmer 2005081
5. Umsagnarbeiðni frá Sjómannadagsráði vegna tónleika í FHP
Lögð fyrir umsagnarbeiðni sýslumannsins á Vestfjörðum vegna tónleika í félagsheimilinu á Patreksfirði 5. júní 2020. Bæjarráð gerir ekki athugasemd við veitingu leyfisins.
Málsnúmer 2005080
Til kynningar
6. Áhrif Covid 19 á rekstur og afkomu sveitarfélaga
Lagt fram til kynningar bréf dags. 25.maí 2020 frá Samgöngu- og sveitarstjórnarráðuneytinu þar sem tilkynnt er um að hafin sé vinna starfshóps sem ríkisstjórnin setti á laggirnar í samráði við Samband íslenskra sveitarfélaga en hlutverk hans er að safna saman samtímaupplýsingum um fjárhagsstöðu einstakra sveitarfélaga á árinu 2020. Jafnframt kemur fram að óskað verður eftir upplýsingum úr fjárhagskerfum sveitarfélaga.
Málsnúmer 2005092
7. Fjármál sveitarfélaga í kjölfar COVID-19 - EFS
Lagt fram til kynningar bréf frá Eftirlitsnefn með fjármálum sveitarfélaga dags. 14. maí 2020. Í bréfinu minnir eftirlitsnefndin sveitarstjórnir á að ástunda virkt eftirlit með fjármálum og fylgjast náið með þróun rekstrarins frá mánuði til mánaðar. Jafnframt eru sveitarstjórnir hvattar til að hafa samband við eftirlitsnefndina óski þær eftir frekari upplýsingum eða leiðbeiningum.
Málsnúmer 2005070
8. Landvarsla við Breiðafjörð 2020
Lagður fyrir til kynningar tölvupóstur dags. 26. maí 2020 frá Umhverfisstofnun þar sem Umhverfisstofnun upplýsir sveitarfélög við Breiðarfjörð um að sumarið 2020 verður viðhöfð landvarsla við verndarsvæðið Breiðafjörð.
Málsnúmer 2005086
9. 2005002SU - Ársreikningur 2019 - Samtök sjávarútvegssveitarfélaga
Lagður fyrir til kynningar ársreikningur 2019 fyrir Samtök sjávarútvegssveitarfélaga.
Málsnúmer 2005082
10. Nr. 883 Fundargerð stjórnar SÍS
Lögð fyrir til kynningar fundargerð 893. fundar stjórnar Sambands Íslenskra sveitarfélaga.
Málsnúmer 2005041
11. Mál nr. 776. Uppbygging og rekstur fráveitna nr. 9-2009, ósk um umsögn
Lagður fram til kynningar tölvupóstur frá nefndarsviði Alþingis dags. 12. maí 2020, þar sem óskað er umsagnar um frumvarp til laga um um breytingu á lögum um uppbyggingu og rekstur fráveitna, nr. 9/2009, með síðari breytingum (átak í fráveitumálum),776. mál.
Málsnúmer 2005045
12. Mál nr. 717. Útlendingar og atvinnuréttindi útlendinga, Ósk um umsögn
Lagður fram til kynningar tölvupóstur frá nefndarsviði Alþingis dags. 15. maí 2020, þar sem óskað er umsagnar um frumvarp til laga um útlendinga og atvinnuréttindi útlendinga (alþjóðleg vernd, brottvísunartilskipunin, dvalar- og atvinnuleyfi), 717. mál.
Málsnúmer 2005057
13. Mál 775. Lög um fjarskipti, ósk um umsögn
Lagður fram til kynningar tölvupóstur frá nefndarsviði Alþingis dags. 15. maí 2020, þar sem óskað er umsagnar um frumvarp til laga um fjarskipti, 775. mál.
Málsnúmer 2005066
14. Fundargerð nr. 178 - Breiðafjarðarnefnd
15. Fundargerð nr. 884 stjórnar Sambands íslenskra sveitarfélaga
Lögð fram til kynningar fundargerð 884. fundar stjórnar Sambands íslenskra sveitarfélaga.
Málsnúmer 2005079
Fleira ekki gert. Fundi slitið kl. 15:45
Iða Marsibil Jónsdóttir sat fundinn í fjarfundi.