Fundur haldinn í ráðhúsi Vesturbyggðar, 10. mars 2020 og hófst hann kl. 16:00
Nefndarmenn
- Ásgeir Sveinsson (ÁS) aðalmaður
- Jón Árnason (JÁ)
- Þórkatla Soffía Ólafsdóttir (ÞSÓ) formaður
Starfsmenn
- Gerður Björk Sveinsdóttir (GBS) skrifstofustjóri
- Rebekka Hilmarsdóttir (RH) bæjarstjóri
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslusviðs
Almenn erindi
1. Friðlýsing á Látrabjargi
Lagður fram tölvupóstur umhverfis- og auðlindaráðuneytisins dags. 6. mars 2020 vegna friðlýsingar Látrabjargs. Meðfylgjandi tölvupóstinum eru drög að auglýsingu um friðland á Látrabjargi. Í erindinu er óskað eftir afstöðu Vesturbyggðar til friðlýsingar svæðisins í samræmi við 38. gr. laga um náttúruvernd nr. 60/2013.
Bæjarráð tekur jákvætt í erindið og vísar afgreiðslu til bæjarstjórnar Vesturbyggðar.
Málsnúmer 2003011 3
2. Leikskólinn Araklettur - starfsmannamál
Lögð fram kynning leikskólastjóra á Arakletti um starfsmannamál og hugmyndir til að laða að fagfólk og annað starfsfólk til starfa. Fræðslu- og æskulýðsráð fór yfir málið á 58. fundi sínum 26. febrúar 2020 og lagði til við bæjarráð að settur yrði á laggirnar samstarfshópur sem vinna ætti tillögur að bættu starfsumhverfi leikskóla með áherslu á gott samstarf við stjórnendur og starfsfólk leikskóla.
Bæjarráð er sammála því að taka þurfi út starfsumhverfi leikskóla Vesturbyggðar og unnar verði tillögur að bættu starfsumhverfi þegar niðurstöður úttektar að hálfu miðstöðvar skólaþróunar við Háskólann á Akureyri liggja fyrir.
Málsnúmer 2002237 2
3. Landamerki Litla-Eyri - Bíldudalur
Lagt fram minnisblað byggingafulltrúa Vesturbyggðar dags. 10. mars 2020 vegna landamerkja Litlu-Eyrar við þéttbýlið á Bíldudal ásamt drögum að landamerkjayfirlýsingu fyrir mörk jarðarinnar Litla-Eyri og lóðar í eigu Vesturbyggðar.
Bæjarráð felur byggingafulltrúa að vinna málið áfram.
Málsnúmer 2003024
Til kynningar
5. Mál nr. 311, þjóðaratkvæðagreiðsla um framtíð Reykjavíkurflugvallar, ósk um umsögn
Lagður fram til kynningar tölvupóstur umhverfis- og samgöngunefndar Alþingis dags. 27. febrúar 2020, þar sem óskað er umsagnar um tillögu til þingsályktunar um þjóðaratkvæðagreiðslu um framtíð Reykjavíkurflugvallar.
Málsnúmer 2003014
6. Mál nr. 323, Lög um heilbrigðisþjónustu og málefni aldraðra, ósk um umsögn
Lagður fram til kynningar tölvupóstur velferðarnefndar Alþingis dags. 25. febrúar 2020, þar sem óskað er umsagnar um frumvarp til laga um breytingu lögum um heilbrigðisþjónustu nr. 40/2007 og lögum um málefni aldraðra nr. 125/1999.
Málsnúmer 2003012
7. Mál nr. 191, um stöðu barna tíu árum eftir hrun, ósk um umsögn
Lagður fram til kynningar tölvupóstur velferðarnefndar Alþingis dags. 25. febrúar 2020, þar sem óskað er umsagnar um tillögu til þingsályktunar um stöðu barna tíu árum eftir hrun.
Málsnúmer 2003013
8. Fundargerðir stjórnar Vestfjarðastofu 2020
Lagðar fram til kynningar fundargerðir stjórnar Vestfjarðastofu frá 22. fundi 3. desember 2019 og 23. fundi 4. febrúar 2020.
Málsnúmer 2003010 6
9. Fundargerð nr. 176 Breiðafjarðarnefndar
Lögð fram til kynningar fundargerð Breiðafjarðarnefndar frá 176. fundi 14. janúar 2020.
Málsnúmer 2003016
10. Fundargerð nr. 879 stjórnar Sambands íslenskra sveitarfélaga
Lögð fram til kynningar fundargerð 879. fundar stjórnar Sambands íslenskra sveitarfélaga 28. febrúar 2020.
Málsnúmer 2003018
Fleira ekki gert. Fundi slitið kl. 17:05