Fundur haldinn í ráðhúsi Vesturbyggðar, 17. desember 2019 og hófst hann kl. 09:00
Nefndarmenn
- Ásgeir Sveinsson (ÁS) aðalmaður
- María Ósk Óskarsdóttir (MÓÓ) varamaður
- Þórkatla Soffía Ólafsdóttir (ÞSÓ) formaður
Starfsmenn
- Gerður Björk Sveinsdóttir (GBS) sviðsstjóri fjármála- og stjórnsýslusviðs
- Rebekka Hilmarsdóttir (RH) bæjarstjóri
Fundargerð ritaði
- Gerður Björk Sveinsdóttir sviðstjóri fjármála- og stjórnsýslusviðs
Almenn erindi
1. Úttekt á rekstri og skipulagi leik- og grunnskóla í Vesturbyggð
María Ósk Óskarsdóttir vék af fundi undir þessum lið.
Tekin fyrir fimm tilboð í úttekt á rekstri og skipulagi leik- og grunnskóla Vesturbyggðar m.a. út frá áherslum í skólasefnu Vesturbyggðar.
Bæjarráð samþykkir að taka tilboði Háskólans á Akureyri - Miðstöð skólaþróunar. Gert er ráð fyrir að vinna við úttektina hefjist í janúar 2020.
Málsnúmer 1911002 3
2. Úttekt á Slökkviliði Vesturbyggðar 2019
Lagt fram bréf dags. 25. nóvember 2019 frá Mannvirkjastofnun þar sem farið er yfir athugasemdir stofnunarinnar við brunavarnaáætlun Vesturbyggðar.
Bæjarstjóra falið að svara bréfi Mannvirkjastofnunar í samvinnu við slökkviliðsstjóra.
Málsnúmer 1910024 2
3. Samningur um veghald á þjóðvegum innan þéttbýlismarka
Lagður fyrir samningur Vegagerðarinnar og Vesturbyggð um veghald á þjóðvegum innan þéttbýlismarka, þ.e. Ketildalavegur (619) frá vegamótum Bíldudalsvegar (63) við Litlu-Eyri, um Dalbraut og Tjarnabraut að Lönguhlíð, 1,71 km. á árinu 2019.
Bæjarráð felur bæjarstjóra að undirrita samninginn fyrir hönd Vesturbyggðar.
Málsnúmer 1912031
4. Breytingar á samþykktum um mat á umhverfisáhrifum
Lagður fyrir tölvupóstur frá Sambandi íslenskra sveitarfélaga dags. 2. desember 2019 þar sem vakin er athygli sveitarfélaga á birtingu reglugerða á grundvelli laga um mat á umhverfisáhrifum, nr. 106/2000. Reglugerðirnar gera ráð fyrir að í samþykkt sveitarfélaga sé skipulagsnefnd eða öðrum aðila innan stjórnsýslu sveitarfélags veitt vald til að taka fullnaðarákvörðun um matsskyldu framkvæmdar þegar sveitarfélagið er sjálft framkvæmdaraðili, sbr. 42. gr. sveitarstjórnarlaga nr. 138/2011.
Bæjarráð felur bæjarstjóra að undirbúa breytingu á samþykkt um stjórn Vesturbyggðar til samræmis við reglugerðinar og leggja fyrir á næsta fundi bæjarráðs.
Málsnúmer 1912004
Til kynningar
5. Breyting á gjaldskrá Sorpurðurna Vesturlands 01.01.2020
Lögð fram til kynningar tilkynning frá Sorpurðun Vesturlands dags. 24. nóvember 2019 um breytingu á gjaldskrá fyrir árið 2020.
Málsnúmer 1912041
6. Erindi vegna mengunar á Garðstöðum í Súðavíkurhreppi
Lagt fram til kynningar tölvupóstur Hafliða Halldórssonar, dags. 3. desember 2019 til Heilbrigðisnefndar Vestfjarða vegna mengunar á Garðstöðum í Súðavíkuhreppi.
Málsnúmer 1912008
7. Mál nr. 436, hollustuhættir og mengurnarvarnir, nr. 7-1998
Lagður fram til kynningar tölvupóstur umhverfs- og samgöngunefndar Alþingis, dags. 9. desember 2019 þar sem óskað er umsagnar um frumvarp til laga um breytingu á lögum um hollustuhætti og mengunarvarnir, nr. 7/1998, með síðari breytingum (viðaukar). 436. mál
Málsnúmer 1912034
8. Aðalskipulag Reykhólahrepps, ósk um umsögn og athugasemdum vegna breytingatillögu
Lagt fram til kynningar bréf Reykhólahrepps dags. 27. nóvember 2019, ásamt fylgigögnum vegna breytingar á aðalskipulagi Reykhólahrepps 2006-2018, viðbrögð við umsögnum og athugasemdum.
Málsnúmer 1906111 2
9. Mál nr. 383, málefni aldraðra, nr. 125-1999 (öldungaráð)
Lagður fram til kynningar tölvupóstur velferðarnefndar Alþingis dags. 4. desember 2019, þar sem óskað er umsagnar um frumvarp um tillögu að breytingu á lögum um málefni aldraðra, nr. 125/1999 (öldungaráð), 383. mál.
Málsnúmer 1912006
10. Mál nr. 391, tekjustofnar sveitarfélaga og sveitarstjórnarlög
Lagður fram til kynningar tölvupóstur umhverfis- og samgöngunefndar Alþingis, dags. 29. nóvember 2019, þar sem er óskað eftir umsögn um frumvarp til laga um breytingu á lögum um tekjustofna sveitarfélaga og sveitarstjórnarlögum (forsendur úthlutana úr Jöfnunarsjóði), 391. mál.
Málsnúmer 1912003
11. Fundargerðir stjórnar Vestfjarðastofu 2019
12. Fjarskiptalög, ósk um umsögn
Lagður fram til kynningar tölvupóstur samgöngu- og sveitarstjórnarráðuneytis dags. 10. desember 2019 þar sem vakin er athygli á drögum að frumvarpi til nýrra fjarskiptalaga sem birt hafa verið í Samráðsgátt stjórnvalda.
Málsnúmer 1912039
Fleira ekki gert. Fundi slitið kl. 10:05