Fundur haldinn í Svörtuloftum, fundarsal í Ráðhúsi Vesturbyggðar, 7. maí 2019 og hófst hann kl. 09:00
Fundinn sátu
- Ásgeir Sveinsson (ÁS) aðalmaður
- Gerður Björk Sveinsdóttir (GBS)
- María Ósk Óskarsdóttir (MÓÓ)
- Rebekka Hilmarsdóttir (RH) bæjarstjóri
- Þórkatla Soffía Ólafsdóttir (ÞSÓ) formaður
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslu
Til kynningar
1. Ársfundur Vestfjarðastofu 10. maí 2019
Lagt fyrir boð á ársfund Vestfjarðastofu, Fjórðungssambands Vestfjarðastofu, Náttúrustofu Vestfjarða og Byggðasamlags Vestfjarða um málefni fatlaðs fólks sem haldin verður á Þingeyri föstudaginn 10. maí 2019.
Málsnúmer 1904036 2
2. 801. mál. Um menntun, hæfni og ráðningu kennara og skólastjórnenda við leikskóla, grunnskóla og framhaldsskóla
Lagður fram til kynningar tölvupóstur dags. 11. apríl 2019 frá Allsherjar- og menntamálanefnd Alþingis með beiðni um umsögn um frumvarp til laga um menntun, hæfni og ráðningu kennara og skólastjórnenda við leikskóla, grunnskóla og framhaldsskóla,801. mál.
Málsnúmer 1904051
3. 798. mál. Lög um lýðskóla - Allsherjar- og menntamálanefnd Alþingis
Lagður fram til kynningar tölvupóstur dags. 12. apríl 2019 frá Allsherjar- og menntamálanefnd Alþingis með beiðni um umsögn um frumvarp til laga um lýðskóla, 798. mál.
Málsnúmer 1904055
4. 792. mál. Breyting á raforkulögum - 791. mál um uppbyggingu flutningskerfiss raforku - 782. mál um breytingu á raforkulögum og Orkustofnun
Lagður fram til kynningar tölvupóstur dags. 12. apríl 2019 frá Atvinnuveganefnd Alþingis með beiðni um umsögn um frumvarp til laga um breytingu á raforkulögum (tilvísun í stefnu stjórnvalda um uppbygginguflutningskerfis raforku), 792. Jafnframt er lagt fyrir tillaga til þingsályktunar um breytingu á þingsályktun nr. 26/148, um stefnu stjórnvalda um uppbyggingu flutningskerfis raforku, 791. mál ásamt frumvarpi til laga um breytingu á raforkulögum og lögum um Orkustofnun (EES-reglur, viðurlagaákvæði), 782. mál
Málsnúmer 1904061
5. 784. mál. Lög um veitingastaði, gitistaði og skemmtanahald (stjórnvaldssektir og eftirlit með gististarfsemi)
Lagður fram til kynningar tölvupóstur dags. 12. apríl 2019 frá Atvinnuveganefnd Alþingis með beiðni um umsögn um frumvarp til laga um veitingastaði, gististaði og skemmtanahald(stjórnvaldssektir og eftirlit með gististarfsemi), 784. mál.
Málsnúmer 1904057
6. 778. mál. Lög um Þjóðgarðastofnun og þjóðgarða.
Lagður fram til kynningar tölvupóstur dags. 12. apríl 2019 frá Umhverfis- og samgöngunefnd Alþingis með beiðni um umsögn um frumvarp til laga um Þjóðgarðastofnun og þjóðgarða, 778. mál.
Málsnúmer 1904060
7. 777. mál, Ákvörðun sameigilegu EES-nefndarinnar, nr. 93.2017, um breytingu á IV. viðauka (Orka) við EES samninginn (þriðji orkupakkinn)
Lagður fram til kynningar tölvupóstur dags. 11. apríl 2019 frá Utanríkismálanefnd Alþingis með beiðni um umsögn um tillögu til þingsályktunar um ákvörðun sameiginlegu EES-nefndarinnar, nr. 93/2017, um breytingu á IV. viðauka (Orka) við EES-samninginn (þriðji orkupakkinn), 777. mál.
Málsnúmer 1904050
8. 775. mál. Mat á unhverfisáhrifum (EES-reglur, stjórnvaldssektir o.fl.)
Lagður fram til kynningar tölvupóstur dags. 12. apríl 2019 frá Umhverfis- og samgöngunefnd Alþingis með beiðni um umsögn um frumvarp til laga um mat á umhverfisáhrifum(EES-reglur, stjórnvaldssektir o.fl.), 775. mál.
Málsnúmer 1904058
9. 772. mál. Um skráningu einstaklinga
Lagður fram til kynningar tölvupóstur dags. 30. apríl 2019 frá Allsherjar- og menntamálanefnd Alþingis með beiðni um umsögn um frumvarp til laga um skráningu einstaklinga, 772. mál.
Málsnúmer 1905003
10. 870. fundur stjórnar Sambands íslenskra sveitarfélaga
Lagt fram til kynningar fundargerð 870. fundar stjórnar Sambands íslenskra sveitarfélaga.
Málsnúmer 1904071
11. Framleiðsluaukning á Bíldudal - fyrirspurn um matsskyldu
Lögð fram til kynningar drög að umsögn Vesturbyggðar um beiðni Skipulagsstofnunar dags. 4. apríl 2019 um matsskyldu vegna framleiðsluaukningar á kalkþörungaseti í verksmiðju Íslenska kalkþörungafélagsins ehf. á Bíldudal.
Málsnúmer 1904035 6
Almenn erindi
12. Leikskólamál. Bréf frá foreldrum á Barðaströnd
Tekið fyrir öðru sinni bréf frá foreldrum leikskólabarna á Barðaströnd um opnun leikskóladeildar. Bæjarstjóri fór yfir umræður á fundi með foreldrum 8. apríl 2019. Lagt fyrir bréf foreldra dags. 4. maí 2019 þar sem áréttaður er vilji foreldra að opnuð verði leikskóladeild á Barðaströnd.
Bæjarráð telur að ekki sé unnt að opna leikskóladeild á Barðaströnd en felur sviðsstjóra fjölskyldusviðs að auglýsa eftir dagforeldrum til starfa á Barðaströnd og leggja drög að reglum um dagforeldra fyrir næsta fund bæjarráðs.
Málsnúmer 1903224 3
13. Fjallskil í landi Vesturbyggðar sem ekki hefur verið sinnt.
Tekin fyrir erindi Matvælastofnunar dags. 1. og 8. apríl 2019 vegna fjallskila í landi Vesturbyggðar. Bæjarráð vísar erindunum til umfjöllunar í fjallskilanefnd Vesturbyggðar og Tálknafjarðahrepps.
Málsnúmer 1904052 2
14. Fjallskil - kostnaður
Ásgeir Sveinsson vék af fundi.
Fjallskilanefnd Vesturbyggðar og Tálknafjarðarhrepps hefur ekki tekist að funda aftur um málið. Bæjarráð felur bæjarstjóra í samráði við sveitarstjóra Tálknafjarðahrepps að ljúka málinu í samræmi við umræður á fundinum.
Málsnúmer 1903176 5
15. Grenjavinnsla 2019
Bæjarstjóri fór yfir framkvæmd vegna grenjavinnslu í Vesturbyggð 2019, en sex umsóknir bárust um grenjavinnslu. Bæjarstjóra falið að gera samninga um grenjavinnslu fyrir þau svæði sem umsóknir bárumst um og auglýsa aftur þau svæði sem ekki bárust umsóknir um.
Málsnúmer 1904082
16. Sjómannadagurinn 2019 - tillaga að samstarfssamningi og styrkur
Menningar- og ferðamálafulltrúi kom inn á fundinn og fór yfir umræður á fundi Sjómannadagsráðs um skipulagningu Sjómannadagsins á Patreksfirði 2019. Tekin fyrir beiðni sjómannadagsráðs um samstarfssamning. Bæjarráð felur bæjarstjóra að ganga frá undirritun samstarfssamnings.
Málsnúmer 1903254 3
17. Höfnun á forkaupsrétti HF-Hafey-6035 - Skipaslan bátar og búnaður
Tekið fyrir erindi dags. 26. apríl 2019 frá Útboð ehf. Skipasalan bátar og búnaður, þess efnis hvort Vesturbyggð muni nýta sér forkaupsrétt að bátnum Hafey BA-96 skv. 3. mgr. 12. gr. laga um stjórn fiskveiða nr. 116/2006.
Bæjarráð staðfestir að Vesturbyggð muni ekki nýta sér forkaupsrétt og felur bæjarstjóra að ganga frá undirritun höfnunar á að nýta forkaupsrétt sinn að skipinu.
Ásgeir Sveinsson vék af fundi við afgreiðslu máls.
Málsnúmer 1904090
18. Upplýsingamiðstöð - rekstur 2019
Tekin fyrir beiðni Westfjords Adventures dags. 24. apríl 2019 um samstarf um rekstur á upplýsingamiðstöð ferðamanna yfir sumartímann. Westfjords Adventures hefur gert samstarfssamning við Vesturbyggð s.l. tvö ár þar sem þeim hefur verið greiddur styrkur að upphæð 900.000 krónur. Ferða- og menningarmálaráð leggur til í bókun á 5. fundi ráðsins 30. apríl 2019 að gerður verið áfram samningur við Westfjords Adventures.
Bæjarráð staðfestir beiðnina og felur bæjarstjóra að ganga frá samningi um rekstur upplýsingamiðstöðvarinnar.
Málsnúmer 1904085 2
19. Fjárhagsáætlun 2019 - Viðaukar
Lögð fyrir tillaga að viðauka 2 við fjárhagsáætlun 2019. Annars vegar er um er að ræða aukin rekstrarútgjöld vegna reksturs heimtaugar að fjárhæð 50.000 kr. auk endurbóta á aðstöðu félagsmiðstöðvarinnar Dímon á Bíldudal að fjárhæð 1.400.000 kr., samtals 1.450.000 kr. Hins vegar er um að ræða fjárfestingu í lagningu heimtaugar að fjárhæð 950.000 kr. Fjármögnun viðauka er með lækkun á áður áætlaðra fjárfestinga í götum á Bíldudal um 1.000.000 kr. og lækkun handbærs fjár um 1.400.000 kr.
Bæjarráð samþykkir viðaukann og vísar honum til bæjarstjórnar til staðfestingar.
Málsnúmer 1903392 13
20. Reglur um Frístund
Lögð fram bókun fræðslu- og æskulýðsráðs á 52. fundi 16. apríl 2019 þar sem lagðar voru fram breyttar reglur um frístund í Vesturbyggð. Bæjarráð þakkar fræðslu- og æskulýðsráðinu fyrir tillögur að breytingum og felur bæjarstjóra að gera breytingar á reglununum í samræmi við umræður á fundinum og leggja fyrir næsta fund bæjarráðs.
Málsnúmer 1904065 3
21. Leikskóli á Patreksfirði - Húsnæðismál
Tekin fyrir bókun bæjarstjórnar frá 334. fundi 24. apríl 2019 þar sem bæjarráði var falið að skipa framkvæmdahóp sem heldur utan um innleiðingu og framkvæmd breyingu á Patreksskóla fyrir haustið 2019.
Bæjarráð samþykkir samhljóða að í hópnum skuli sitja, Gústaf Gústafsson skólastjóri Patreksskóla, Geir Gestsson sviðsstjóri umhverfis- og framkvæmdasviðs og Rebekka Hilmarsdóttir, bæjarstjóri.
Bæjarráð felur framkvæmdahópnum að skila yfirliti yfir nauðsynlegar framkvæmdir og kostnaðaráætlun fyrir næsta fund bæjarráðs.
Málsnúmer 1903179 13
Fleira ekki gert. Fundi slitið kl. 11:25