Fundur haldinn í Ráðhúsi Vesturbyggðar, 13. nóvember 2018 og hófst hann kl. 09:00
Fundinn sátu
- Ásgeir Sveinsson (ÁS) aðalmaður
- Gerður Björk Sveinsdóttir (GBS) ritari
- María Ósk Óskarsdóttir (MÓÓ)
- Rebekka Hilmarsdóttir (RH) bæjarstjóri
- Þórkatla Soffía Ólafsdóttir (ÞSÓ) formaður
Fundargerð ritaði
- Gerður Björk Sveinsdóttir ritari
Almenn erindi
1. Araklettur bílastæði - Uppástungur um úrbætur bílastæðamála við leikskólann
Lagðar fyrir tölvupóstur dags. 26.10.2018 með tillögum að úrbótum í bílastæðamálum við leikskólann skv. niðurstöðum könnunar sem gerð var meðal foreldra leikskólabarna við Araklett. Niðurstöðum könnunarinnar vísað til Skipulags- og umhverfisráðs til umfjöllunar.
Málsnúmer 1811048 3
2. Eldhús - Araklettur
Lagt fyrir erindi dags. 7.11.2018 undirritað af Hallveigu G. Ingimarsdóttur leikskólastjóra á Arakletti þar sem farið er yfir mannaflaþörf í eldhúsi og við ræstingar á leikskólanum. Bæjarráð samþykkir erindið og vísar fjármögnun til gerðar fjárhagsáætlunar 2019.
Málsnúmer 1811066
3. Aðalstræti 74 - Vatnstjón
Lagt fram erindi dags. 30. október 2018 vegna vatnstjóns á húseigninni Aðalstræti 74, neðri hæð. Elfar Steinn Karlsson, forstöðumaður tæknideildar sat fundinn undir liðnum. Afgreiðslu máls frestað á meðan frekari gagna er aflað.
Málsnúmer 1811063
4. Fjárbeiðni - Stígamót
Lagt fram bréf dags. 31. okt. sl. frá Stígamótum með beiðni um fjárstyrk til rekstur félagsins á árinu 2019.
Bæjarráð felur félagsmálstjóra Vesturbyggðar að ræða við Stígamót um mögulegt samstarf á árinu 2019.
Málsnúmer 1811057
5. Snjómokstur í þéttbýli 2018-2019
Farið yfir drög að mokstursplani í þéttbýli fyrir veturinn 2018-2019. Elfar Steinn Karlsson forstöðumaður tæknideildar sat fundinn undir liðnum.
Málsnúmer 1811074 2
6. Persónuvernd - innleiðing nýrra laga
Farið yfir innleiðingu nýrra persónuverndarlaga hjá Vesturbyggð og tilboð dags. 31.10.2018 frá Deloitte kynnt. Bæjarstjóra falið að vinna áfram að málinu.
Málsnúmer 1811029
7. Íþróttamiðstöðin Bylta - vetraropnunartími
Vetraropnun íþróttamiðstöðvarinnar Byltu rædd og farið yfir niðurstöður könnunar sem gerð var meðal íbúa um opnunartímann. Arnheiður Jónsdóttir félagsmálastjóri Vesturbyggðar sat fundinn undir liðnum. Félagsmálastjóra falið að afla frekari gagna og leggja fyrir bæjarráð.
Málsnúmer 1811083
8. Sorphirða í Vesturbyggð - samningar.
Rebekka Hilmarsdóttir bæjarstjóri og Elfar Steinn Karlsson forstöðumaður tæknideildar fóru yfir með bæjarráði stöðu vinnu við útboð á sorphirðu fyrir sveitarfélagið. Bæjarráð felur bæjarstjóra að vinna áfram að málinu.
Málsnúmer 1805024 6
Til kynningar
9. Allsherjar- og menntamálanefnd - Umsögn um frumvarp til laga um breytingu á ýmsum lögum vegna afnáms um uppreist æru, mál 222
Lagt fram til kynningar, frumvarp til laga um breytingu á ýmsum lögum vegna afnáms um uppreist æru.
Málsnúmer 1811045
10. Atvinnuveganefnd - Umsögn um þingsályktunartillögu um mótun eigendastefnu ríkisins með sérstöku tilliti til bújarða, mál 20
Lagt fram til kynningar, þingsályktunartillaga um mótun eigendastefnu ríkisins með sérstöku tilliti til bújarða.
Málsnúmer 1811047
11. Velferðarnefnd alþingis - Umsögn um þingsályktunartillögu um aðgerðaráætlun í húsnæðismálum, mál 5
Lagt fram til kynningar, umsögn um þingsályktunartillögu um aðgerðaráætlun í húsnæðismálum.
Málsnúmer 1811076
12. BsVest-fundargerð stjórnar 13.9.2018
13. SÍS - Rekstarkostnaður á heilsdagsígildi í leikskólum ár 2017
Lagt fram til kynningar samantekt sambands íslenskra sveitarfélaga á rekstarkostnaði á heilsdagígildum í leikskólum árið 2017.
Málsnúmer 1811046
14. Heilbrigðiseftirlit Vestfj - Fundargerð 26.10.2018
Lögð fram til kynningar fundargerð stjórnar Heilbrgiðiseftirlits Vestfjaða dags. 26.10.2018. ásamt fjárhagsáætlun ársins 2019.
Málsnúmer 1811049
15. NAVE - Fundargerð stjórnar Náttúrustofu Vestfjara nr. 111
Lögð fram til kynningar fundargerð 111. fundar stjórnar Nave dags. 17. október sl. sem jafnframt er ársfundur.
Málsnúmer 1811050
16. EBÍ - Ágóðahlutagreiðsla 2018
Lagt fram bréf dags. 18. okt. sl. frá Eignarhaldsfélagi Brunabótafélags Íslands þar sem tilkynnt er að Vesturbyggð verði greitt 725.500 kr. sem hlutdeild í ársgreiðslu til sveitarfélaganna úr Sameignarsjóði EBÍ.
Lagt fram til kynningar.
Málsnúmer 1811055
Fleira ekki gert. Fundi slitið kl. 12:52