Fundur haldinn í Aðalstræti 75, fundarsalur nefnda, 30. október 2018 og hófst hann kl. 09:00
Fundinn sátu
- Magnús Jónsson (MJ)
- Gerður Björk Sveinsdóttir (GBS) ritari
- María Ósk Óskarsdóttir (MÓÓ)
- Rebekka Hilmarsdóttir (RH) bæjarstjóri
- Þórkatla Soffía Ólafsdóttir (ÞSÓ) formaður
Fundargerð ritaði
- Gerður Björk Sveinsdóttir verkefnastjóri
Almenn erindi
1. Tálknafjörður - Patreksfjörður - morgunferðir
Rætt um morgunferðir Tálknafjörður - Patreksfjörður og farið yfir hugmyndir að kostnaðarskiptingu. Gerði Björk Sveinsdóttur, verkefnastjóra falið að ræða við forsvarsmenn Odda hf. um framhaldið í samræmi við umræður á fundinum. Bæjarráð samþykkir jafnframt að halda verkefninu áfram á meðan að unnið er að breytingum á fyrirkomulagi.
Málsnúmer 1809015 3
6. Viðtalstimar bæjarstjóra
Lagt fyrir minnisblað unnið af Rebekku Hilmarsdóttur bæjarstjóra þar sem lagt er til að viðtalstími bæjarstjóra verði alla miðvikudaga frá kl. 10-12:30. Bæjarráð samþykkir tillöguna.
Málsnúmer 1810069
7. Atvinnuveganefnd - Umsögn um frumvarp til laga um veiðigjöld
Lagt var fram erindi frá nefndarsviði Alþingis þar sem óskað er eftir umsögn um frumvarp til laga um veiðigjald. Bæjarstjóra var falið að senda inn umsögn í samvinnu við bæjarfulltrúa. Umsögnin var send inn innan tilskilins frests.
Bæjarráð samþykkir innsenda umsögn.
https://www.althingi.is/altext/erindi/149/149-206.pdf
Málsnúmer 1810053
8. Nefndarsvið Alþingis - Ósk um umsögn á þingsályktunartillögu um fimm ára samgönguáæltun fyrir árið 2019-2023, 172.mál
Lagt var fram erindi frá nefndarsviði Alþingis frá 12. október 2018 þar sem óskað er eftir umsögn um tillögu til þingsályktunar um samgönguáætlun fyrir árin 2019-2023, 172. mál. Bæjarstjóra var falið að senda inn umsögn í samvinnu við bæjarfulltrúa. Umsögnin var send inn innan tilskilins frests.
Bæjarráð samþykkir innsenda umsögn.
https://www.althingi.is/altext/erindi/149/149-300.pdf
Málsnúmer 1810031 2
9. Nefndarsvið Alþingis - Ósk um umsögn á þingsályktunartillögu um samgönguáætlun árið 2019-2033, mál 173
Lagt var fram erindi frá nefndarsviði Alþingis frá 12. október 2018 þar sem óskað er eftir umsögn um tillögu til þingsályktunar um samgönguáætlun fyrir árin 2019-2033, 173. mál. Bæjarstjóra var falið að senda inn umsögn í samvinnu við bæjarfulltrúa. Umsögnin var send inn innan tilskilins frests.
Bæjarráð samþykkir innsenda umsögn.
https://www.althingi.is/altext/erindi/149/149-300.pdf
Málsnúmer 1810032 2
10. Starfslok fráfarandi bæjarstjóra
Lagður fyrir starfslokasamningur við Ásthildi Sturludóttur fráfarandi bæjarstjóra Vesturbyggðar. Bæjarráð samþykkir samninginn.
Málsnúmer 1807037
11. Atvinnuvega- og nýsköpunarráðuneytið - Auglýsing umsóknar um byggðarkvóta fiskveiðiársins 2018-19
Lagt fram bréf dags. 2. október sl. frá atvinnu- og nýsköpunarráðuneytinu þar sem auglýst er til umsóknar byggðakvóti fiskveiðiársins 2018-2019. Bæjarráð felur bæjarstjóra að sækja um byggðakvóta fyrir fiskveiðiárið 2018-2019.
Málsnúmer 1810030 6
12. Lagning ljósleiðara 2019
Mættur til viðræðna við bæjarráð, Davíð Rúnar Gunnarsson, þar sem hann fór yfir með ráðinu áætlun um lagningu ljósleiðara í sveitum ásamt því að farið var yfir gang verkefnis um lagningu ljósleiðara á Barðaströnd.
Málsnúmer 1810068 2
13. Kolbrún Pálsdóttir - Ónýt geymluvara
Tekið fyrir erindi frá Kolbrúnu Pálsdóttur dagss. 22. okt.sl, þar sem óskað er eftir því við Vesturbyggð að sveitarfélagið bakfæri leigugreiðslur sem greiddar voru fyrir geymslupláss í Straumnesi. Bæjarráð felur bæjarstjóra að ræða við bréfrita í samræmi við umræður á fundinum.
Málsnúmer 1810064
14. Rafstöðin, félagasamtök - Umsókn um þjónustu við salerni
Tekið fyrir erindi dagss. 23.10.2018 frá Rafstöðin, félagasamtök, þar sem óskað er eftir því við Vesturbyggð að sveitarfélagið taki að sér rekstur salerna við gömlu rafstöðina á Bíldudal. Erindinu vísað til menningar- og ferðamálaráðs til afgreiðslu.
Málsnúmer 1810063 2
15. Rauðhetta - styrkur vegna sýningar 28. mars 2019 á Patreksfirði
Tekið fyrir erindi dagss. 18.10.2018 frá Leikhópnum Lottu þar sem óskað er eftir styrk í formi aðstöðu til sýningar og gistingu fyrir aðstandendur sýningarinnar. Bæjarráð samþykkir erindið og felur Páli Vilhjálmssyni íþrótta- og tómstundarfulltrúa að vera í sambandi við hópinn.
Málsnúmer 1810059
16. Landssamband slökkvilið og sjúkrfl. - Ósk um styrk vegna árlegs Eldvarnarátaks LSS
Tekin fyrir styrkbeiðni frá Landsamband slökkviliðs- og sjúkraflutningamanna þar sem leitað er eftir styrk vegna eldvarnaátaks sem fellst í eldvarnafræðslu grunnskólabarna. Bæjarráð samþykkir að styrkja verkefnið um kr. 25.000,-.
Málsnúmer 1810058
17. Pólónía - Umsókn um styrk
Tekið fyrir erindi frá Pólóníu, félags Pólverja á sunnanverðum Vestfjörðum þar sem óskað er eftir styrk í formi niðurfelldrar leigu á stóra sal FHP í tilefni 100 ára sjálfstæðis Póllands. Bæjarráð samþykkir erindið.
Málsnúmer 1810056
19. Samtök um kvennaathvarf - Umsókn um rekstarstyrk fyrir árið 2019
Lagt fram bréf dags. 2. október sl. frá Samtökum um kvennaathvarf með ósk um rekstrarstyrk fyrir félagið á árinu 2019. Bæjarráð samþykkir 50.000 kr. styrk til reksturs félagsins 2019. Styrkurinn bókist á 02089-9990.
Málsnúmer 1810049
Til kynningar
2. Úttekt Deloitte á rekstri sjávarútvegs á Norð-Vesturlandi
Úttekt Deloitte á rekstri sjávarútvegs á Norð-Vesturlandi lögð fram til kynningar.
Málsnúmer 1810050
3. Samband íslenskra sveitarfélaga - Fundargerð stjórnar SÍS nr 864
Fundargerð 864. fundar stjórnar Sambands Íslenskra sveitarfélaga lögð fram til kynningar.
Málsnúmer 1810047
4. Guðmundur Halldórsson - Vestfirðingabann
5. Náttúrustofa Vestfjarða - Fundargerð nr. 110
Fleira ekki gert. Fundi slitið kl. 11:40