Fundur haldinn í Aðalstræti 63, Patreksfirði, 23. júní 2015 og hófst hann kl. 09:00
Fundargerð ritaði
- Þórir Sveinsson skrifstofustjóri
Almenn erindi
1. Varðar grenjavinnslu.
Mættir til viðræðna við bæjarráð Marino Thorlacius og Eyjólfur Tryggvason varðandi grenjavinnslu í fyrrum Rauðasandshreppi.
Bæjarstjóra falið að vinna áfram að málinu í samræmi við umræður á fundinum.
Málsnúmer 1506018 2
2. Frönsk tengsl í Vesturbyggð
Vísað er til 2. tölul. 725. fundargerðar bæjarráðs frá 17. febrúar 2015. Mætt til viðræðna við bæjarráð María Óskarsdóttir og Halldór Árnason um frönsk menningartengsl við sunnanverða Vestfirði.
Bæjaráð felur bæjarstjóra að ráða Maríu Óskarsdóttur tímabundið í hlutastarf til að sinna frönskum menningartengslum í Vesturbyggð.
Málsnúmer 1506043
3. SÍS 70ár frá stofnun og fyrsta þingi 38 sveitarfélaga
Lagður fram tölvupóstur ásamt fylgiskjölum dags. 12. júní sl. frá Sambandi ísl. sveitarfélaga varðandi 70 ára afmæli sambandsins.
Lagt fram til kynningar.
Málsnúmer 1506028
4. Brunabótafél. aðalfundarboð 23.sept.2015
Lagður fram tölvupóstur dags. 9. júní sl. frá Eignarhaldsfélagi Brunabótafélags Íslands með boði um aðalfund félagsins sem haldinn verður 23. september nk. á Grand Hóteli, Reykjavík.
Bæjarráð felur fulltrúum sínum að sækja fundinn.
Málsnúmer 1506027
5. Beiðni um nýtingu á túni við Sauðlauksdalsvatn
Lagt fram bréf dags. 12. júní sl. frá Ólöfu Matthíasdóttur þar sem óskað er heimildar að nýta tún við Sauðlauksdalsvatn til slægna.
Bæjarráð felur bæjarstjóra að ræða við bréfritara.
Málsnúmer 1506026
6. Sumarfrí bæjarstjórnar 2015.
Bæjarráð felur bæjarstjóra að leggja fram tillögu um sumarfrí bæjarstjórnar á 264. fundi bæjarstjórnar miðvikudaginn 24. júní nk.
Málsnúmer 1506033 2
7. Endurbætur á leiksvæðum í Vesturbyggð
Vísað er til 7. tölul. fundargerðar 735. fundar bæjarráðs frá 9. júní sl. Elfar Steinn Karlsson, forst.m. tæknideildar sat fundinn undir þessum lið.
Bæjarráð felur forstöðumanni tæknideildar að vinna áfram að málinu.
Málsnúmer 1505053 3
8. Sorpsamningur-viðauki
Lögð fram samningsdrög um sorphirðu vegna "blátunnu".
Bæjarráð felur bæjarstjóra að vinna áfram að málinu.
Málsnúmer 1504001 6
9. Langahlíð 18, Bíldudal
Lagt fram bréf dags. 13. maí sl. frá umhverfis- og auðlindaráðuneytinu varðandi nýtingu húsnæðisins við Lönguhlíð 18, Bíldudal. Ráðuneytið heimilar sveitarfélaginu að leigja út húsnæðið með ákvörðun um kvöð um takmarkaða viðveru.
Bæjarráð felur bæjarstjóra að semja um leigu á húsnæðinu Lönguhlíð 18 með viðauka við núverandi sambærilega samninga í samræmi við umræður á fundinum.
Málsnúmer 1501029 2
10. Framkvæmdir 2015
Lögð fram kostnaðaráætlun um gatnaframkvæmdir í sveitarfélaginu sumarið 2015. Elfar Steinn Karlsson, forst.m. tæknideildar sat fundinn undir þessum lið.
Bæjarráð samþykkir að bjóða út framkvæmdir á Patreksfirði frá Eyrargötu að Aðalstræti 31. Forstöðumanni tæknideildar falið að fylgja málinu eftir.
Málsnúmer 1501037 13
Fleira ekki gert. Fundi slitið kl. 10:00