Bæjarráð #710

Lögð fram fundargerð bæjarráðs nr. 709.

Vegna óviðráðanlegra aðstæðna þarf að breyta um fulltrúa á Landsþing Sambands íslenskra sveitarfélaga.
Ása Dóra Finnbogadóttir verður fulltrúi Vesturbyggðar á landsþingi Sambands íslenskra sveitarfélaga sem haldið verður á Akureyri, 24. -26. september.

Lagt fram erindi frá Birni Magnúsi Magnússyni fh. Mardallar ehf. þar sem óskað er eftir framlengingu á veiðiskyldu mótframlags byggðakvóta 2013-2014 vegna óviðráðanlegra aðstæðna. Bæjarráð samþykkir erindið og felur bæjarstjóra að tilkynna Atvinnuvegaráðuneytinu um umsögn Vesturbyggðar.

Lögð fram umsókn frá Páli Haukssyni þar sem óskað er eftir notkun á hljóðkerfi Vesturbyggðar 5.-6. september. Bæjarráð samþykkir að fella niður leigu á hljóðkerfinu sem styrk til hátíðarinnar.

Lagður fram tölvupóstur frá Jóni Eggerti Bragasyni skólameistara FSN vegna skólaaksturs í FSN og breyttra forsendna vegna fjölgunar nemenda í Framhaldsdeildinni á Patreksfirði . Bæjarráð samþykkir fyrir sitt leyti framlengingu á samningi um skólaakstur FSN.

Sveinn Hannesson og Ragnar Kristinsson frá Gámaþjónustunni komu inn á fundinn og kynntu tillögur um breytingar á sorphirðu í Vesturbyggð. Ákvörðun frestað og vísað til bæjarstjórnar til umfjöllunar.

Elsa Reimarsdóttir félagsmálastjóri kom inn á fundinn og kynnti verkefni félagsmálastjóra.

Einar Kr. Jónsson, Jóhann Svavarsson frá Westfjords Adventures og Ingvar Stefánsson frá Olís komu inn á fundinn. Þeir kynntu starfssemi Westfjords Adventures og framtíðarhugmyndir.

Lagt fram erindi frá Endurupptökunefnd þar sem óskað er eftir afstöðu Vesturbyggðar vegna framkominnar beiðni um endurupptöku hæstaréttarmáls nr. 300/1992. Málinu frestað.

Lagt fram minnisblað um heimsendan mat til eldri borgara. Bæjarráð samþykkir lækkun á gjaldi á heimsendum mat til eldri borgara í 980 kr skammtinn. Heimsendingargjald verður óbreytt.