Fundur haldinn í Aðalstræti 63, Patreksfirði, 19. nóvember 2013 og hófst hann kl. 09:00
Fundargerð ritaði
- Ásthildur Sturludóttir bæjarstjóri
Til kynningar
1. Velferðarnefnd beiðni um umsögn krabbamein í blöðruhálskirtli forvarnarstarf mál 28
Lagt fram til kynningar beiðni um umsögn frá Velferðarnefnd Alþingis varðandi forvarnarstarf vegna krabbameins í blöðruhálskritli.
Málsnúmer 1311059
7. Velferðarnefnd beiðni um umsögn um janft búsetuform barna sem búa á tveimur heimilum mál 70.
Lagt fram til kynningar erindi frá Velferðarnefnd Alþingis varðandi umsögn um frumvarp til laga um jafnt búsetuform barna sem búa á tveimur heimilum.
Málsnúmer 1311062
8. Velferðarnefnd beiðni um umsögn til laga um húsaleigubætur mál 72.
Lagt fram til kynningar erindi frá Velferðarnefnd Alþingis varðandi beiðni um umsögn vegna laga um húsleigubætur.
Málsnúmer 1311061
9. Velferðarnefnd beiðni um umsögn frumvarp til laga um skráningu upplýsinga um umgengnismál foreldrar, mál 71.
Lagt fram til kynningar erindi frá Velferðarnefnd Alþingis varðandi beiðni um umsögn vegna skráningar upplýsinga um umgengnismál foreldra.
Málsnúmer 1311060
13. Menntamálaráðuneyti "Dagur gegn einelti" 8.nóv.
Lagt fram til kynningar erindi frá Menntamálaráðuneytinu varðandi dag gegn einelti. .
Málsnúmer 1311001
Almenn erindi
2. Útisvæði á Arakletti
Lagt fram tilboð frá Guðmundi Hrafni Arngrímssyni, landslagsarkitekt, í hönnun og framkvæmdir á 1. Áfanga við Leikskólann Araklett að upphæð kr. 2.353.000. Bæjarráð samþykkir framkomið tilboð og vísar til viðauka fjárhagsáætlunar 2013.
Málsnúmer 1311078
3. Ráðningarmál - byggingarfulltrúi Vesturbyggðar
Lagt fram minnisblað frá Attentus-mannauður og ráðgjöf vegna ráðningar byggingarfulltrúa og forstöðumanns tæknideildar.
Bæjarráð samþykkir að hafna öllum umsækjendum og bæjarstjóra falið að undirbúa samninga við Verkís um verkefni byggingarfulltrúa í Vesturbyggð. Samningur verður lagður fram á næsta fundi bæjarráðs.
Bæjarstjóra falið að segja upp samstarfssamningi við Tálknafjarðarhrepp um þjónustu byggingarfulltrúa. Vesturbyggð þakkar Tálknafjarðahreppi fyrir gott samstarf.
Málsnúmer 1308057 4
4. Fjárhagsáætlun 2013 - viðaukar.
Lagður fram kaupsamningur milli Vesturbyggðar og Erlu Hafliðadóttur á lóðunum Urðargötu 2, Patreksfirði, landnr. 140212, lóðarnr. 89630020. Kaupverð íbúðahúsalóðarinnar Urðargötu 2 er 1.085.849 kr.
Bæjarráð samþykkir kaupin og felur bæjarstjóra að undirrita kaupsamning fh. Vesturbyggðar.
Málsnúmer 1311072 3
5. Markaðsátak Vestfjarða
Lagt fram erindi frá Markaaðsstofu Vestfjarða varðandi sameiginlegt markaðsátak sveitarfélaga á Vestfjörðum til þriggja ára. Hlutur Vesturbyggðar verður kr. Hlutur Vesturbyggðar er 940 þúsund árið 2014. Bæjarráð samþykkir erindið og vísar til fjárhagsáætlunar 2014.
Málsnúmer 1311044
6. Sameiginleg framtíðarsýn og stefnumótun í æskulýðs-og íþróttamálum?
Bæjarráð Vesturbyggðar lýsir ánægju sinni með að Tálknafjarðarhreppur hafi samþykkt að taka þátt í sameiginlegri stefnumótun varðandi æskulýðs og íþróttamál á sunnanverðum Vestfjörðum eins og bæjarfulltrúar Vesturbyggðar lögðu til á samráðsnefndarfundi sveitarfélaganna sem haldinn var 12. Nóvember sl. Bæjarstjóra falið að auglýsa eftir verkefnisstjóra í tímabundið starf til þess að útfæra þessar hugmyndir frekar í samráði við sveitarstjóra Tálknafjarðarhrepps.
Vísað til fjárhagsáætlunar 2014.
Málsnúmer 1311055 3
11. Vegagerðin samningar um veghald
Lagður fram samningur frá Vegagerðinni um veghald. Bæjarstjóra falið að ganga frá samningnum.
Málsnúmer 1310048
12. Snorraverkefnið styrkumsókn 2014
Lögð fram styrkumsókn frá Snorraverkefninu. Bæjarráð sér sér því miður ekki fært um að styrkja verkefnið.
Málsnúmer 1311053
14. FSN tíu ára afmæli boð um þátt í undirbúningi
Lagt fram erindi frá Jóni Eggerti Bragasyni, skólameistara FSN varðandi þátttöku í undirbúningi að 10 ára afmæli Fjölbrautarskóla Snæfellinga. Bæjarráð samþykkir þátttöku í afmælishátíð skólans og felur bæjarstjóra að tilkynna þátttöku til skólameistara FSN.
Málsnúmer 1311057
15. DE tilboð í Urðargötu 23 íbúð nh.
Lagt fram tilboð frá Dómhildi Eiríksdóttur að upphæð 2,5 milljónir í Urðargötu 23, nh. Bæjarráð hafnar tilboðinu enda hefur bæjarráð áður bókað að fresta sölu íbúðarinnar um óákveðinn tíma vegna óvissu um forkaupsréttarákvæði. Skv. Minnisblaði frá Lögmannsstofunni Lex hefur núverandi eigandi efri hæðar Urðargötu 23, ekki forkaupsrétt að íbúð á neðri hæð hússins.
Málsnúmer 1311050
16. Fjárhagsáætlun 2014.
Lögð fram fjárhagsáætlun 2014.
Rætt sérstaklega um Minjasafnið á Hnjóti. Bæjarstjóri útvegar fyrir næsta fund samanburðartölur fyrir samsvarandi söfn og samanburðartölur fyrir reksturinn sl 3 ár.
Bæjarráð leggur til breytingar til eflingar tónlistarnáms, m.a. með auknu samstarfi leik-, grunn-og tónlistarskóla og breytingum á gjaldskrá til lækkunar. Söngkennsla og tónsköpun tekin inn í grunnskólanám, m.a. að boðið upp á blokkflautunám fyrir nemendur 1. bekkjar endurgjaldslaust.
Frumvarpi vísað til bæjarstjórnar til fyrstu umræðu.
Málsnúmer 1308059 14
Fundargerðir til kynningar
17. Bæjarráð - 691
Fundargerð bæjarráðs nr. 691 lögð fram til kynningar.
Bæjarráð átti fund með heilbrigðisráðherra, föstudaginn 15. nóvember sl. Engin stefnubreyting hefur orðið hjá ráðherra varðandi sameiningu heilbrigðisstofnana og enginn áhugi er hjá ráðherra að gera samning við sveitarfélagið um yfirtöku þess á rekstri Heilbrigðisstofnunarinnar á Patreksfirði. Bæjarráð óttast að með sameiningunni muni þjónusta skerðast og öryggi íbúa ógnað. Allar sveitarstjórnir á Vestfjörðum hafa mótmælt fyrirhugaðri sameiningu, það eitt ætti að segja margt. Bæjarráð Vesturbyggðar harmar skilningsleysi ráðherra á landfræðilegri sérstöðu byggðar á sunnanverðum Vestfjörðum og erfiðum samgöngum innan Vestfjarða og hvetur heilbrigðisráðherra, ríkisstjórn og Alþingi að endurskoða þær tillögur sem settar hafa verið fram um sameiningu heilbrigðisstofnanna á landsbyggðinni. Það er ömurlegt að ekkert sé hlustað á rök heimamanna og forsvarsmanna HSP gegn sameiningu.
Málsnúmer 1311010F 2
Fleira ekki gert. Fundi slitið kl. 10:00
Friðbjörg Matthíasdóttir var á SKYPE.