Bæjarráð #673

Lögð fram fundargerð bæjarráðs nr. 672. Bæjarstjóri upplýsti um fund sem haldinn var með forsvarsmönnum Íþróttafélagsins Harðar um verkefni sumarsins. Samskonar fundur hefur verið boðaður með öðrum íþróttafélögum í sveitarfélaginu.

Byggingarfulltrúi kom inn á fundinn. Erindi vísað til bæjarráðs frá skipulags og byggingarnefnd. Lagt fram erindi frá Víkingi Gunnarssyni fh. Arnarlax ehf. kt. 580310-0600 þar sem óskað er eftir lóð við Strandgötu á Bíldudal og að gerð verði breyting á deiliskipulagi á hafnarsvæðinu á Bíldudal. Lagt fram minnisblað frá Siglingastofnun um landfyllingu á deiliskipulagssvæðinu. Á fundinum voru einnig ræddar aðrar mögulegar staðsetningar á lóðum fyrir Arnarlax.
Bæjarráð tekur vel í erindið og óskar eftir fundi með forsvarsmönnum Íslenska kalkþörungafélagsins hf. og fundi með forsvarsmönnum Arnarlax ehf.
Byggingarfulltrúa og bæjarstjóra falið að vinna málið áfram.

Umræðu haldið áfram frá síðasta fundi bæjarráðs.
Lagður fram samanburður á umsækjendum um starf aðstoðarleikskólastjóra frá Attentus mannauður og ráðgjöf.
Bæjarráð samþykkir að ráða Hallveigu Guðbjörtu Ingimarsdóttur sem aðstoðarleikskólastjóra Leikskóla Vesturbyggðar.

Lagt fram bréf frá Verkís verkfræðistofu varðandi fjarskipti í dreifbýli.
Vesturbyggð óskar eftir tilboði frá Verkís í úttekt á fjarskiptamálum í dreifbýli.

Lögð fram styrkbeiðni frá Eyðibýlum á Íslandi vegna rannsókna á Vestfjörðum sumarið 2013.
Bæjarráð samþykkir að veita Eyðibýlum á Íslandi 100 þúsund króna styrk til verkefnisins úr menningarmálum.

Guðrún Eggertsdóttir vék af fundi undir þessum lið vegna skyldleika við hlutaðeigandi.
Lagt fram erindi frá Jakobi Jónssyni tannlækni er varðar samþykkt um tannheilsu leikskóla-og grunnskólabarna í Vesturbyggð frá árinu 2008.
Bæjarstjóra falið að ganga frá samningum við Jakob Jónsson.